Charter Document - 06560007

Sciant præsentes et futuri quod ego Willielmus de sancto Johanne pro salute domini mei Henrici regis et liberorum suorum et antecessorum et successorum meorum concessi et præsenti carta confirmavi priori et monachis de Boxgrava ad tenendum ibi ordinem regularem et hospitalitatem et conventum perpetuum xv monachorum ecclesiam de Boxgrava liberam et integram et totum territorium de Boxgrava ex donatione mea et antecessorum meorum Et antiquas pensiones in ecclesiis videlicet de Brideham vj sol de Ichenore iiij sol de Beltona vij sol Et in subscriptis ecclesiis scilicet Walboretona Berneham Hamptoneta Hunestan Mundeham duas portiones de terris et decimis omnibus que ad ipsas pertinent Et in omnibus præscriptis ecclesiis advocationem liberam et præsentationem presbiterorum qui in sua persona in illis ecclesiis Deo assidue deserviant Et pasturam xij bobus et duabus vaccis in Halnaco et Strethamptoma Et decimam omnium nemorum de honore Halnaci in passione et venditione et omnibus aliis exitibus Et pasturam et passionem omnibus porcis suis et ipsorum memorum liberas animalibus et pecoribus suis Et in ex cambium antique consuetudinis quam habebant in nemore Halnaci Dedi eis illam partem nemoris que est inter culturam suam et Bessesolam a nemore Philippi de Tresgoz usque ad viam rectam que a cornu septi extenditur in Tangestede devers Halnac Dedi quoque eis terram que dicitur Werdam Et ad vestiaria fratrum terciam partem de Mundeham ab omni servicio et auxilio mihi pertinente liberas et absolutas et molendinum de Feningetrue ad luminare perpetuum in noctibus sabbatorum pro anima Olyvae uxoris mee ad ejus petitionem Et reddidi eis decimam gabulorum de Strethamptona videlicet viij sol per annum Et confirmavi eis ex donatione Roberti fratris mei terram que dicitur Hyldefande cum omnibus ejusdem terre pertinenciis et in Walboreton virgatam campelli et dimidium ortum Willielmi carpentarii et liberam communionem ejusdem ville in omnibus in excambium gabulorum de Walboreton quam prius habebant ad sustentandum perpetuo quartum decimum monachum in conventu de Boxgrave sicut conventio est inter illos Et ad sustentande perpetuo xv monachum in eodem conventu dedi eis dimidiam virgatam terre in Mervi et quicquid habebam in Kepestona in excambium decime gabulorum ad hoc ipsum prius assignate secundum conventionem inter nos et ad victum capellani mei de Halnac sustinendum cum ipsis vel parandum ei panem et cervisiam et pulmentaria sicut monachus habet in die nisi dominus vel domina manentes fuerunt in Halnac dedi eis unam virgatam terre in Comptona cum omnibus suis pertinenciis in excambium duarum masuarum quas habebant Wintonie Præterea confirmavi eis ex donatione Gaufridi de Colevilla decimam de Kienoro Ex donatione Humfridi de Sartilla unam virgatam terre in Abbintona Ex donatione Gisliberti de Sartilla virgatam terre et dimidiam in Hamptoneta Ex dono Gauffridi de Sartilla unam virgatam terre in Bridham Ex donatione Rogeri Hay molendinum de Hunestan cum suis pertinenciis Ex donatione Helyae de sancto Georgio unam virgatam terre juxta Wudecotam et duas acras prati in Hunestan Ex dono Philippi de Tresgoz xxv acras terre in Northestret Ex dono Petri de Hamptom decimam molendini sui et unam acram terre Ex dono Roberti et Thome de Campell iiij acras terre in Seuebech Hec igitur omnia ex donatione mea et antecessorum meorum et militum meorum sicut supra determinatum est miseri cordi ter concedo et confirmo Deo et ecclesie sancte Marie et conventui de Boxgrava Salva annua pensione trium marcharum abbatiæ Exaquii quarum duas tantum prius habuerat tertia vero addita fuit tali conventione ut abbas et conventus Exaquii in eodem prioratu ordinem regularem et conventum perpetuum temperi concederent Concessi etiam abbati et conventui Exaquii ut electio prioris de Boxgrava sit regularis et libera Predictus quoque abbas et conventus Exaquii concesserunt priorem in præfato prioratu permanere stabilem quamdiu honori et utilitati fuerit Et concesserunt quod nec sub priorem mee cellerarium ad se advocabunt Et dederunt eidem priori et successoribus ejus licentiam ut libere et sine contradictione xv monachos habeant et eos libere perficiant cum plene ibi fuerint Et si plures habere potuerint in eodem loco quam prædiximus libere ibidem recipiant quos voluerint Hanc itaque conventionem prior de Boxgrave et conventus ejusdem loci perpetuo tenendam concesserunt mihi et heredibus meis et in scripto redactam sigilli sui appositione confirmaverunt His testibus Roberto presbitero de Walboretona Willielmo presbitero de Berneham Ricardo capellano Roberto de sancto Johanne Rogero Hay Rogero de Kaisneto Philippo de Tresgoz Radulfo filio Petri Ricardo de Midentona Ricardo de Thalamo Mannet et aliis