Charter Document - 06560006
| Charter Number: | 06560006 |
|---|---|
| Cartulary Title: | The Cartulary of Boxgrove Priory |
| Charter Language: | Latin |
| Charter Origin: | Religious |
| Charter Type(s): | History |
| Date: | 1309 |
| Date type: | Internal, A.D., Calendar |
| Resource Link(s): |
British Library - Cotton MS Claudius A VI (f4v) |
Charter:
Cum litterarum beneficio rudis animus informetur me moria reformetur et in mentem redeat quod obscuravit oblivio quodque vetustas temporis antiquavit Nos per anti quorum scripturas eruditi pie recordationis Roberti de Haya fundatoris nostri et ejus heredum nomina per descensus generis ordinem præsenti pagina duximus annotanda ob eorum amorem et honorem et informationem nostrorum etiam successorum Sed inprimis appositum est quoddam preambulum videlicet quod rex H filius Willielmi bastardi dedit prefato Roberto fundatori ecclesie beate Marie sanctique Blasii de Boxgrave consanguineo ejus honorem Halmaci cum pertinentiis suis ipsi Roberto et heredibus suis imperpetuum possidendum Dictus autem Robertus in hac domo constituens iij monachos de ordine sancti Benedicti eisdem in ecclesia de Boxgrave et terris similiter victum provideri curavit Qui dedit Rogero de sancto Johanne Ceciliam filiam suam in uxorem qui Rogerus predictis iij monachis alios tres monachos adjungens ex præfata Cecilia genuit Willielmum et Robertum de sancto Johanne qui Willielmus numerum monachorum usque ad xiij ampliavit et R frater ejus duos monachos predictis ampliavit Isti duo fratres Murielem sororem suam dederunt in uxorem Reginaldo de Aurea valle ex qua idem Reginaldus genuit filiam nomine Mabiliam que juncta est Ade de Port copula maritali de qua Adam genuit Willielmum secundum qui genuit Robertum ex Godehelda filia N Pagnell et Robertus Johannem de Agnete filia Willielmi de Cantilupo Johannes genuit Johannem ex Alicia filia Reginaldi filii Petri Iste Johannes secundus accepit in uxorem Isabellam filiam nobilis viri Hugonis de Cortenay de qua genuit W et Hugo nemoris qui W natus est xviij kal Julii ann Dom MCCCIX qui W obiit sine liberis Hugo frater ejus genuit Edmundum et duas filias Edmundus decessit sine liberis et sorores ejus diviserunt baroniam de Halnak De quibus una nomine Isabella juncta fuit Bartholomeo Burghersh juniori et mortuus est sine liberis Tunc duxit eam in uxorem nobilis vir dominus Lucas de Poinings qui gemuit Thomam de Poininges qui Thomas genuit Hugonem ex domina Johanna Strange qui Hugo genuit filios et filias