Charter Document - 06550007
| Charter Number: | 06550007 |
|---|---|
| Cartulary Title: | Roger of Salisbury, First Bishop of Bath and Wells |
| Charter Language: | Latin |
| Charter Origin: | Religious |
| Charter Type(s): | Election |
| Date: | 1205 - 1206 |
| Date type: | Assigned |
| Resource Link(s): |
|
Charter:
Venerabili patri et domino karissimo J dei gratia Sancte Marie in via lata diacono cardinali apostolice sedis legato W Londoniensis G Roffensis H Exoniensis H Saresberiensis E Eligensis G Coventrensis M Wygornensis J Norwicensis W Lincolniensis S Cicestrensis et P Wyntoniensis Episcopi salutem et sincere devocionis affectum Noverit paternitas vestra quod cum venerabilis frater noster Savaricus bone inemorie bathoniensis Episcopus concessisset in fata et tam Bathoniensis quam Wellensis ecclesia suo fuisset viduata pastore prior et conventus Bathoniensis et Decanus et capitulum Wellense ad quos jus eligendi episcopum pertinere dinoscitur in unum pariter convenerunt habitaque prout moris est super eleccione episcopi diligenti tractatu pari tandem voto et unanimi assensu in magistrum Jocelinum canonicum Wellensis ecclesie virum providum litteratum et honestum consenserunt ipsumque invocata spiritus sancti gratia in pastorem et episcopum suum canonice ac sollempniter elegerunt cui nimirum eleccioni illustris rex Anglie Johannes suum adhibuit benignus assensum Quia vero Cantuariensis ecclesia suo noscitur orbata pastore supplicamus paternitati vestre quatinus nuntios dictarum ecclesiarum benignius admittentes prenominato electo munus confirmacionis conferre dignemini
Source (click image below to view full size)
