Charter Document - 06550006
| Charter Number: | 06550006 |
|---|---|
| Cartulary Title: | Roger of Salisbury, First Bishop of Bath and Wells |
| Charter Language: | Latin |
| Charter Origin: | Religious |
| Charter Type(s): | Election |
| Date: | 1205 - 1206 |
| Date type: | Assigned |
| Resource Link(s): |
|
Charter:
Sanctissimo in Christo patri J dei gratia summo pontifici Humiles et devoti filii sui W de London G Roffensis H Exoniensis H Saresberiensis E Elyensis G Coventrensis M Wygorniensis J Norwicensis W Lincolniencis S Cicestrensis et P Wyntoniensis Episcopi salutem et cum omni devocione ac reverentia debitam domino et patri obedientiam Noverit sancta paternitas vestra quod cum venerabilis frater noster Savaricus bone memorie Bathoniensis episcopus concessisset in fata et tam Bathoniensis quam Wellensis ecclesia sua fuisset viduata pastore Prior et conventus Bathoniensis et Decanus et capitulum Wellense ad quos jus eligendi episcopum pertinere dinoscitur in unum pariter convenerunt habitaque prout moris est si per eleccione episcopi diligenti tractatu pari tandem voto et unanimi assensu in magistrum Jocelinum canonicum Wellensis ecclesie virum providum litteratum et honestum consenserunt ipsumque invocata sancti Spiritus gratia in pastorem et episcopum suum canonice et solempniter elegerunt Cui nimirum eleccioni illustris rex Anglie Johannes suum adhibuit benignus assensum Quia vero Cantuariensis ecclesia suo noscitur orbata pastore supplicamus sancte paternitati vestre quatinus nuntios dictarum ecclesiarum benignius admittentes prenominato electo munus confirmacionis conferre dignemini
Source (click image below to view full size)
