Charter Document - 06550004
| Charter Number: | 06550004 |
|---|---|
| Cartulary Title: | Roger of Salisbury, First Bishop of Bath and Wells |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1180 - 1209 |
| Date type: | Assigned |
| Resource Link(s): |
|
Charter:
In nomine Patris et Filii et Spiritus sancti Amen Facta est hec pax subscripta inter ecclesiam Bathoniensem et ecclesiam Wellensem et conventum Bathoniensem et capitulum Wellense super eleccione pontificis utrique ecclesie prefitiendi vacante episcopatu Videlicet quod cum secundum deum et consuetudinem regni de eleccione tractari debuerit prior et monachi Bathonienses et Decanus et Canonici Wellenses in loco ydoneo propter hoc convenient et de eleccione futuri Episcopi communiter tractabunt Et cum communiter in ydoneam personam convenerint prior Bathoniensis debet denuntiare ex parte utriusque ecclesie et postulare personam de communi assensu electam Si vero prior Bathoniensis vel monachi vel Decanus Wellensis vel canonici in eleccionem episcopi contra predictam formam in aliquo proruperint diffinitum est et concessum ex utraque parte quod irritum sit et inane quicquid fuerit ab eis contra hoc super eleccione attemptatum Si vero partes communiter consenserint in personam prioris Decanus Wellensis ejus eleccionem debet denuntiare et postulare Eodem modo convenit inter partes quod si ecclesia Bathoniensis caruerit priore tempore eleccionis quod Decanus Wellensis eleccionem illius in quem partes consenserunt denuntiabit et postulabit Decanus vero et capitulum Wellense non impedient quo minus episcopus illorum prius in ecclesia Bathoniensi inthronizetur quam in Wellensi nec procurabunt quod prius inthronizetur in Wellensi quam in Bathoniensi Convenit etiam inter predictas ecclesias quod nunquam contra hanc formam pacis utentur aliquibus privilegiis impetratis vel impetrandis Hec autem omnia fideliter observandas tam prior et conventus Bathoniensis quam Alexander Decanus et capitulum Wellense juraverunt et sigillo utriusque confirmaverunt
Source (click image below to view full size)
