Charter Document - 06540540
| Charter Number: | 06540540 |
|---|---|
| Cartulary Title: | Two Chartularies of the Priory of St. Peter at Bath |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1300 |
| Date type: | Internal, A.D. |
| Resource Link(s): |
|
Charter:
Venerabili in Christo patri Roberto Dei gratia Archiepiscopo Cantuariensi totius Anglie primati devotus suus filius Jordanus vicarius ecclesie de Weston juxta Bathon obedientiam et reverentiam debitam cum honore gravi corporis egritudine perpetua detentus ad vestram venerabilem presentiam accedere non valens dilectum mihi in Christo N clericum ad petendam meam absolutionem pro excommunicatione quam contraxi pro protectione regia quam recepi compulsus necnon et dispensationem super irregularitate si quam contraxi in miscendo me divinis sic ligatus coram vobis meum constituo procuratorem dans ei potestatem liberam et plenam recipiendi mandatum vestrum super hiis que in mandato apostolico super hoc vobis directo continentur et jurandi in animam meam et omnia facere alia [] faciendi qua ad salutem anime mee juxta dictum mandatum apostolicum volueritis ordinare In cujus rei testimonium sigillum meum una cum sigillo archidiaconi Bathon presentibus est appensum Datum apud Weston viij Idus Novembris Anno Domini MCCC
Source (click image below to view full size)
