Charter Document - 06540530
| Charter Number: | 06540530 |
|---|---|
| Cartulary Title: | Two Chartularies of the Priory of St. Peter at Bath |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1388 - 1400 |
| Date type: | Assigned |
| Resource Link(s): |
|
Charter:
Hec sunt beneficia concessa omnibus qui sunt in fraternitate matricis ecclesie Beatorum Apostolorum Petri et Pauli Bathonie ibidem a diversis apostolis archiepiscopis et ab episcopis confirmata videlicet cotidie due misse sollempnes in dicta ecclesia celebrantur scilicet una pro vivis et alia pro defunctis benefactoribus fabrice ipsius ecclesie Item cotidie dicitur unum psalterium pro eisdem et participes sunt omnium bonorum que fiunt per episcopatum Bathoniensem et Wellensem et in ordine Clunacense videlicet in triginta duabus abbatiis et in cc prioratibus in missis matutinis vigiliis jejuniis orationibus elemosinis disciplinis imperpetuum Item penitentia quatuordecim annorum remittitur in septennio et in sept[ennii] tertia parte In via aut aliena mensa diebus penitentialibus ad panem et aquam positi communi utantur cibo hoc tantum cum facultas aderit redimentes Diebus Dominicis et in Festis in Quadragesima publice penitentes ingressum habeant ecclesie usque ad Passionem Domini Et si aliqua ecclesia interdicta fuerit per episcopatum in purificationibus sororum dicte fraternitatis cum magna sollempnitate aperiatur Recepti quoque in hac sancta fraternitate quacumque morte fuerint preventi in cimiterio habeant sepulturam nisi canonicum aliquid obsistat vel sui ipsius sunt interfectores Item si quis est in aliqua sentencia excommunicationis ignoranter innodatus si de bonis suis ad dictum locum transmiserit a domino Papa est absolutus peccata oblita vota fracta si ad ea redierint executo voto Jerosolomitano offensa patrum et matrum sive manuum injectione transgressiones fidei juramentorum que fiunt ex impetu animi penitentias oblitas et male factas summa dierum venie c anni et dimidium xxv dies Item a domino Radulpho Bathoniense et Wellense episcopo quadraginta dies conceduntur summa missarum per annum x mille ccc et stationes Romane ecclesie et peregrinationes eisdem conceduntur quarum est summa xl quatuor anni summa psalteriorum cccxliiij Item omnibus illis qui orationem dominicam cum salutatione Angelica pro benefactoribus ejusdem ecclesie dixerint Dominus Alexander Papa Constantinus Papa Bonifacius Papa unusquisque illorum c dies indulgentie concessit Scribantur nomina conferentium anulum vel firma culum vel saltem unum denarium ut omni anno in anniversariis monachorum Bathoniensium possint absolvi Reddatur collectio cum brevi die et loco statutis sub pena canonica
Source (click image below to view full size)
