Charter Document - 06540196

Sanctissimo patri I Dei gratia summo pontifici [] Thomas Prior [] Cum bone memorie Joscelinus episcopus noster viam universe carnis fuisset ingressus nos prius impetrato assensu regio prout moris est vocatis ad electionem vocandis die ad electionem celebrandam in ecclesia nostra Cathedrali Bathonie prefixo ut de preficiendo nobis episcopo tractaremus in capitulo ecclesie nostre convenimus ymno Dominico prius cantato invocata Spiritus Sancti gratia post diutinam et diligentem deliberationem placuit omnibus nobis et singulis via compromissi dicte ecclesie nostre viduate de pastore providere et sic de communi voluntate omnium elegimus tres de collegio nostro viros fide dignos quibus potestatem dedimus ut ipsi vice omnium de pastore et episcopo providerent ecclesie nostre viduate Qui inter se habito tractatu diligenti magistrum Rogerum Precentorem Sarum virum idoneum litteratum et discretum communiter unanimiter et canonice in episcopum elegerunt quam electionem Domino Regi pro assensu ejus habenda presentaveritis pedibus itaque vestre Sanctitatis provoluti qualiter possumus devotione supplicamus quatinus electionem nostram supradictam concurrente populo et cleri assensu canonice celebratam auctoritate Apostolica confirmare dignemini ne quod absit si ecclesia nostra diu pastoris provisione caruerit irreparabiliter tam in spiritualibus quam in temporalibus jacturam incurrat Ad hanc etiam electionem Sanctitati vestre presentandam et ad ejusdem electionis confirmationem postulandam dilectos fratres et monachos nostros Thomam Precentorem ecclesie nostre et Gilbertum de Dunestorra procuratores constituimus Ratum et gratum habituri quicquid ipsi ambo vel eorum alter quem in presentia Sanctitatis vestre esse contigerit [] In Capitulo Cathedralis ecclesie nostre xv Kal Oct MCCXLIII Conservet []