Charter Document - 06530001
| Charter Number: | 06530001 |
|---|---|
| Cartulary Title: | Charters of Reims |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1061 |
| Date type: | Assigned |
| Resource Link(s): |
eSawyer (S 1237) |
Charter:
In nomine Domini nostri Iesu Christi summe et indiuidue Trinitatis Notum sit cunctis cultoribus Christi Algarum quondam Anglorum comitem ingenuum consentiente Edwardo Dei gratia rege Anglorum Sancto Remigio Remensis ecclesie quandam uillam pro anima sui filii scilicet nomine Burchardi dedisse que Lappeleia cum suis appenditiis anglico uocitatur sermone cujus etiam puerili corpori Roma quidem uenienti in præscripte poliandro ecclesie diuina prædestinatio sepulturam ordinauit quatenus pro eo ibi sancte seruientes ecclesie deum semper remuneratorem omnium bonorum fideliter precarentur precibus assiduis Et hoc ergo tali pacto publice affirmari decreuit ut si forte quis sancte uiolator ecclesie mortifera diabolo instigante cupiditate imbutus ab eo unquam illam auferre uoluerit cum Dathan et Abiron quos terra uiuentes deglutiuit detestabilem sustinens condemnationem perpetualiter anathema sit Quicumque uero ad augendum predictum stipendium custodiendumque studuerit simul cum sancto Remigio ubi cum Christo gloriatur hilarem benedictionem consequatur in celis quod largiatur misericordia Saluatoris qui uiuit Et hoc quidem ut certius crederetur idoneis stabiliuit sub testibus quorum nempe nomina ordinatim conscribuntur Inprimis enim Edwardus Dei gratia rex Anglorum testis fuit ueridicus nec non Edgith regina ex cujus prosapia originem duxerat et Stigandus archipresul simul et Aldredus et Heremanus episcopus et Leuricus episcopus et Alwoldus episcopus et Leuuimus episcopus et Willelmus episcopus et Walterus episcopus et Gyso præsul Preterea Haroldus dux Tostinus Gyrd et Lewinus Waltef similiter cum multis præpotentibus principibus Hoc scriptum in duabus cartis habetur diuisum quarum unam anglica lingua scriptam idem comes Algarus secum retinuit aliam uoce latine dictatam sancto remigio deuotus transmisit