Charter Document - 06511037
| Charter Number: | 06511037 |
|---|---|
| Cartulary Title: | Charters of the Old Minster, Winchester |
| Charter Language: | Latin, English |
| Charter Origin: | Royal |
| Charter Type(s): | Record |
| Date: | 0900 |
| Date type: | Internal, A.D. |
| Resource Link(s): |
eSawyer (S 359) |
Charter:
Her synd gewriten þa gerihta þæ ða ceorlas sculan don to Hysseburnan Ærest at hilcan hiwisce feorwerti penega to herfestes emnite and vi ciricmittan ealað and iii sesðlar hlafhwetes and iii æceras geerian on heora agenre hwile and mid heora agenan sæda gerawan and on hyra agenre wile on bærene gebringan and ðreo pund gauolbærer and heafne æcer gauolmæde on hiora agienre hwile and þæt on hreace gebringan and iiii foðera aclofenas gauolwyda to scidhræce on hiora agenre hwile and xvi gyrda gauoltininga eac and hiora agenre wile and to easran two ewe mid twam lamban and we two geong sceap to eala sceapan and hi sculan waxan sceap and sciran on hiora agenre hwile and ælce wucan wircen ðæt hi man hate butan ðrim and to middan wintra oðeru to easran ðridde to ganddagan Ðis synd þa lang gemero Ærest of twyfyrde andlang weges to fearn hlince þanan and lang weges to æses beorge þanan on ge rihte to þære pirigan þonne and lang weges on ceardices beorg þonne on wiðig grafe þonne on ðone weg þe scyt ofer ða dic þonne and lang weges on þa coppedan ac þanan and lang weges of he to wuda lið þonne on ge rihte on stod leage suþe wearde þonne and lang mearc weges utt wið feld beorga þonne and lang mearc weges to þan hagan be suþan fearn leage and lang hagan utt to ubban leage stigele þonne and lang hagan to wocces geate þanan and lang hagan on tyrwenes sledes heafad Þonne and lang hagan utt to bitan cnolle on ðone lit hagan and lang þære þorn græfan þwyres ofer hysseburnan on gosdæne þonne and lang þæs weges þe lið and lang gosdæne þwyres ofer in waldes weg þonne and lang weges on þone beorg at wæcces treowe þanan on butan hig dune þornes to brunes hamme þonne and lang hagan to þam grundeliesan pytte þanan on ge rihte and lang hagan to hremmes dene þæt and lang hagan on ðære ealdan mapolder be suþan tutan mære þonne and lang hagan on sot ceorles æcer þanan ofer ða dæne upp be wyrt walan þonne on butan þone garan on ðone wiwinðlan þonne on butan þone garan on ðone biwinðlan þonne and lang mearc weges to wifan stocce þanan and lang þæs ealdan weges to bradan lea þonne an weste weard geapan garan þanan to þære haran apoldre þonne and lang dic utt on terstan on þone syþeran steð þonne and lang steþes þæt be neoðan beamwær on þone norþere steþ and lang staþes æft on twyfyrde Anno autem dominice incarnationis DCCCC Indictione iii quando Ælfred rex obiit et Eadward rex filius suus regnum suscepit Hæc cartula scripta est in Wintonia ciuitate coram illis idoneis testibus quorum nomina subter scripta sunt Ego Eadward Rex signaculo sancte crucis corroboraui Ego Denewulf episcopus Ego Asser episcopus Ego Aðelweard filius regis Ego Ordlaf Dux Ego Ordgar Dux Ego Tata presbyter Ego Werulf presbyter Ego Beornstan presbyter Ego Æþelstan presbyter Ego Waldo presbyter Ego Offerð minister Ego Witbrord minister Ego Deormod minister Ego Beorhtelm minister Ego Ælfred minister Ego Wulfred minister Ego Wulfhelm minister Ego Beornstan minister