Charter Document - 06511027
| Charter Number: | 06511027 |
|---|---|
| Cartulary Title: | Charters of the Old Minster, Winchester |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 0856 |
| Date type: | Internal, A.D. |
| Resource Link(s): |
eSawyer (S 1274) |
Charter:
Ego autem Æðelbald Dei gratia occidentalium Saxonum rex dono atque concedo pro Dei amore atque animæ meæ remedio et parentum meorum hoc est avi mei Egelberhti regis et genitoris mei Aðulfi regis post obitum meum ab hac præsenti vita ipsam terram hoc est lx cassatorum in loco prænominato at Fearnaham episcopo et omni congregationi Wentane ecclesie et tam rato ac stabili tenore quilibet episcopus et illa sancta congregatio eandem terram teneat atque possideat propria potestate ac voluntate sibimet ad habendam et nullus jam licentiam ulterius habeat Christi neque Sancti Petri illam terram prædictam alicui dandi neque abstrahendi de illo loco Similiter nullus licentiam Christi habeat neque Sancti Petri neque ausu sit ulterius illam terram predictam rogandi in beneficium Terra autem jam dicta sit inperpetuum libera ab omni regali servitio et omnium sæcularium quam diu fides et christiana religio in Anglorum gente inconcussa permaneat præter expeditionem et pontium constructionem et arcium munitionem Si quis autem hanc nostræ satisfactionis donationem augere vel amplificare voluerit augeat omnipotens Dei dies ejus prosperos Si vero quis infringere vel mutare præsumpserit noscat se ante tribunal Christi redditurum rationem nisi prius satisfactione emendaverit Scripta est autem hæc cartula anno dominice incarnationis DCCCLVIII in loco qui dicitur Amberesburg testibus his consentientibus quorum nomina infrascripta esse videntur Eðelbald rex Iudith regina Swithun episcopus Osric dux Cynewulf dux Beorthwald abbas Beornred abbas Osmund minister Beorthhelm minister Dudda minister Wlfhere minister Eaðelred minister