Charter Document - 06510203
| Charter Number: | 06510203 |
|---|---|
| Cartulary Title: | Charters of the Old Minster, Winchester |
| Charter Language: | English |
| Charter Origin: | Royal |
| Charter Type(s): | Decree |
| Date: | 1052 - 1053 |
| Date type: | Assigned |
| Resource Link(s): |
eSawyer (S 1153) |
Charter:
Eadward cing gret Stigand biscop and Godwine eorl and ealle þa burhmen on Wincestre frondlice and ic kyðe eow þæt ic hæbbe geunnen þæt se cwyde stande þe min moder becwæð Criste and Sancte Petre and Sancte Swiðune and þan hirede in to Ealdan Mynstre þæt is se haga þe man hæt ælfrices Godebegeaton þæne ic wille þæt hi habban eal swa freo wið ealle þa þing þe to me belimpoð eal swa he hire æfter mines fæder gyfe on handan stod and non minra wicnera nane socne nabbe uppon þa þe þær on uppon sittað ne nan mann on nanan þingan butan se hired and þa þe hi heom to wicneran settað and ge þe tene hida at Helinge stande al swa hi hi hem bicwað