Charter Document - 06510199
| Charter Number: | 06510199 |
|---|---|
| Cartulary Title: | Charters of the Old Minster, Winchester |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1046 |
| Date type: | Internal, A.D. |
| Resource Link(s): |
eSawyer (S 1016) |
Charter:
Annuente dei patris ineffabili humane proli clementia qua filium suum redemptorem nostrum huic mundo destinare dignatus qui quod mortiferi uetus peruenenata contulerat arma uirgine satus integerrima diuino refertus supplemento Ut fax noua mundi detersit Pro cuius inenarrabilis gloriæ recordatione Ego Eduuardus rex Anglorum aliarumque gentium in circuitu persistentium deo et sancto Petro monachisque ueteris cenobii Wentane ciuitatis quandam telluris particulam uidelicet iii mansas et quatuor hidas terre cum septem uillanis et septem bordariis cum uno molendino xv solidis in loco ubi a ruricolis Brandesburi et Forde nuncupantur in perpetuam possessionem donando donaui Ut habeant et possideant bene integre in eternam hereditatem Et inde prout uoluerint libere disponant et æternaliter teneant Sit autem predictum rus liberum ab omni mundiali obstaculo cum omnibus ad se pertinentibus campis pratis mariciis siluis et quibuscumque rebus aliis Hæc dedi dictis monachis in puram et perpetuam elemosinam Si quis igitur hanc nostram donationem in aliud quam constituimus transferre uoluerit priuatus consortio sancte dei ecclesie eternis barathri incendiis lugubris iugiter cum Iuda Christi proditore eiusque complicibus puniatur et consideret se die ultima iudicii coram deo rationem redditurum atque cum reprobis quibus dicitur Discedite a me maledicti in ignem eternum penis atrocibus esse passurum si non antea corporea lamentatione emendauerit + Anno siquidem incarnationis dominice MXLVI hiis litteris fuit hæc libertas ad noticiam principum quorum inferius notantur onomata + Ego Eadwardus rex tocius Britanniæ præfatam meam donationem cum sigillo sancte crucis regali stabilimento affirmaui + Ego Eadgað eiusdem regis con laterano hanc regalem donationem gaudentur stabiliui Una cum quinque uirgatis terre in Hertone saci et decimis de terris superius nominatis + Ego Siweardus archiepiscopus triumphale agie crucis trophæum hic regi munere gaudentur inpressi + Ego Ælfricus archipresul hanc territorium schedulam signo sancte crucis diligenter adsignare curaui + Ego Ælfwinus Wintoniensis episcopus consolidaui + Ego Hermannus Wiltoniensis episcopus consolidaui + Ego Godwinus dux + Ego Leofric dux + Ego Osgar dux + Ego Osgod minister