Charter Document - 06510191
| Charter Number: | 06510191 |
|---|---|
| Cartulary Title: | Charters of the Old Minster, Winchester |
| Charter Language: | English |
| Charter Origin: | Religious |
| Charter Type(s): | Lease |
| Date: | 1043 - 1044 |
| Date type: | Assigned |
| Resource Link(s): |
eSawyer (S 1391) |
Charter:
Her cyð on þysum gewrite þa forewearde þe Ælfwine bysceop and se hyred on ealdan mynstre worton wið Osgoð þa hy letan him to þæt land at Eadburgebyrig wið þan lande at Wroccesheale þe he binnan Wiht hæfde þæt wæs þæt Osgod bruce þæs landes at Eadburgebyrig his deg and hæfter his dege ga þæt land eft into ealdan mynstre mid mæte and mid mannum and mid eallum þingan swa swa hit stande eall swa hy hit him ær to handa leton Þyses is to gewitnesse Eadweard cingc and Ælfgyfu seo hlefdige and Eadsige arcebisceop and Ælfric archebisceop and Brihtwold bisceop and Lyfincg bisceop and Duduc bisceop and Æþestan bisceop and Eadnod bisceop and Ælfwerð bisceop and Grimcytel bisceop and Godwine eorl and Leofric eorl and Siwerd eorl and Swegen eorl and Ordgar and Odda and Ælfgar and þærtoeacan manig god mann ægðær ge hadode ge lewede þe heora naman ne magon beon hær on ealle amearcode Þyssa gewrita syndon þreo an is on ealdan mynstre oþer is mid þæs bisceopes landbocan þridde hæfð Osgod