Charter Document - 06510190
| Charter Number: | 06510190 |
|---|---|
| Cartulary Title: | Charters of the Old Minster, Winchester |
| Charter Language: | English |
| Charter Origin: | Royal |
| Charter Type(s): | Grant |
| Date: | 1042 - 1047 |
| Date type: | Assigned |
| Resource Link(s): |
eSawyer (S 1152) |
Charter:
Eadweard cing gret ealle mine biscopas and eorlas and þegnas on ælcere scire þer land ligce in to Ealdan Mynstre and ic cyðe eow þæt ic hæbbe geunnen ælfwine biscop þæs byscoprices eall swa full and swa forð swa Cnud cing hit him firmest geuðe binnan porte and butan on lande and on strande on wudan and on feldan and on læse and ic geann Criste and Sancte Petre and Sancte Paule in to þan halgan stede and him þæt hig beon heora sace wurðe and socne binnan porte and butan tolles wurðe and teames forstealles and infangenes þeofes hamsocne and mundbrices and flymene fyrmðe on freolse and butan and ælces wites læssan and maran Gode to lofe for minre sawle and for ealra cyninga þe ætforan me wæron and æfter me cumað and gif hwa þis awendan wylle sy he fordemed mid Iudan Scariothe butan he ær his forðsiðe hit gebete