Charter Document - 06510186
| Charter Number: | 06510186 |
|---|---|
| Cartulary Title: | Charters of the Old Minster, Winchester |
| Charter Language: | Latin, English |
| Charter Origin: | Royal |
| Charter Type(s): | Grant |
| Date: | 1033 |
| Date type: | Internal, A.D. |
| Resource Link(s): |
eSawyer (S 972) |
Charter:
Inedicibili dispensatione diuine pietatis secundum omnipotentiam clementiæ sue propitiante iustoque moderamine superna ac infima clementissime regente nobis terrigenis duntaxat dignatus est temporalia ac transitoria impertire quatinus per ea que conspiciuntur præsentia et caduca superne miserationis suffragante gratia ualeamus cum cætibus angelicis eternis potiri premiis Quapropter ego Cnut misericordia dei basileus omnis Britanniæ regimen adeptus ad promerenda tante felicitatis gaudia que religiosorum actuum salutari distributione adquiritur libuit mihi benigna mente tribuere cenobio beatorum apostolorum Petri et Pauli quod in Wentana urbe habetur et Uetus nuncupatur quoddam rus quod uulgo uocitatur Hylle cum tribus mansis et omnibus ad hoc iure pertinentibus in perpetuam clero nimiam Existat autem præfatum rus absolutum ab omni famulatu ternis exceptis negotiis scilicet auxilio expeditionis reparatione pontis et renouatione arcis Si quis uero peruersus malignitate sua huius doni largitatem euertere aut infringere temptauerit maledictionem perennis accipiat dampnationis et consors fiat Beelzebub in tartareis flammis ni resipuerit et satisfactione correxerit His autem limitibus cingitur predicta tellus Ðis syndan ðære þryre hida landgemære at Hylle Of ðam ealdan hornforda suð on ðone herpeð of ðam herpaðe west on ða lange rewe on ðone stan of ðon stane west be wyrtrum on fiducforda of fiducforda adun on ðone stream of ðan streame on norðeward efslea of efslea on hrumwyll of hrumwylle on hudecumes heafod of hudecumes heafde adun on ealda tan swa anlang streames on ealda hornford Anno ab incarnatione domini MXXXIII hæc regalis concessio atque donatio facta est sub astipulatione primatum quorum nomina hic caraxata sunt + Ego Cnut rex Anglorum cum regina mea Ælfgyfu propriam donationem regali stabilimento confirmo + Ego Æðelnoðus archiepiscopus perhibeo testimonium + Ego Ælfricus archiepiscopus consentio + Ego Ælfsinus episcopus confirmo + Ego Godwinus comes assigno + Ego Leofricus comes affirmo + Ego Osgod minister