Charter Document - 06510180

Regente domino deo et saluatore nostro Iesu Christo trinam rerum machinam omniumque uitam mortalium prout predestinauerit ordinante Instabilis fortunæ uarietate hæc misera et lugubribus referta doloribus hinc inde uita atteritur in tantum scilicet ut illud dominicum luce clarius compleri animaduertatur oraculum quo dicit Erunt tribulationes tales quales non fuerunt ab initio mundi neque fient Rursumque ipsa ueritas omnium sitiendo salutem ueridica uoce uniuersos ammonet inquiens Quid prodest homini si mundum lucretur uniuersum anime uero sue detrimentum patiatur Proinde ego Æðelred dei prouidentia rex Anglorum his et aliis præmonitus sententiis animarumque lucrum esse perpendens hæc caduca commercia toto corde respuere cunctis innotesco hanc schedulam perscrutantibus qualiter in honore sancte trinitatis indiuidueque unitatis c mansas in loco qui ab accolis at Duntune cognominatur supradicte deitati sanctisque apostolorum Petri et Pauli liminibus ad ecclesiam eorundem apostolorum que in Uenta ciuitate in uetusto usque hodie perdurat cenobio restaurauerit ob sedulam humilitatem Ælfheah eiusdem urbis pontificis et rectoris Quam uidelicet telluris portionem ipse ob enormem pueritiæ mee iuuentutem mihimet aliquandiu usurpaui sed tandem crebris meorum sapientum instinctus ammonitionibus dumque stabilitatem mentis etas caperet iam adulta cognoui me hanc iniuste possidere et supernum metuens examen furoremque apostolicum incurrere huius nunc schedule renouatione constituo ut tellus ipsa supramemorate semper subdatur basilice uti in inchoatione christianitatis a Kynewalho rege deliberatum est ac postmodum a Kynewulfo prætitulatum est dein uero ab Ecgbyrhto restauratum ac apicibus recuperatum est ad ultimum autem ab Eadredo patruo scilicet patris mei Eadgari simili modo cum certa litterarum adstipulatione redintegratum est eidem suprascripto sancto loco nouissime uero ab ipso patre meo satis clara demonstratione renouatum est ob deuotionem uidelicet ac famulatum sancti Æðelwoldi tunc temporis eandem regentis ecclesiam quam iste eiusdem successor pontificis sedulitate uerbi et operis iam gubernat Que tamen tellus duobus in locis est dirempta l scilicet ac v in ipsa supradicta uilla continens mansas per ripas amnis Auene nuncupate que circa eandem uillam decurrit adiacentes xl uero et v in altera inde non longe et Eblesburnan appellatur secus decursus eiusdem torrentis extensas hoc interim et ipse libenti animo huic cartule inseri concessi quod ipsi prænotati reges prædecessores mei concesserunt ut sit ipsa supradicta terra cum omnibus ad se rite pertinentibus campis pascuis pratis siluis omni iugo seruitutis extranea tribus exceptis communium utilitatum necessitatibus si contingat expeditionem promoueri arcem pontemue recuperari Et si forte quispiam hoc nostre renouationis donum infringere seu minuere temptauerit sciat se diuinis carere muneribus et penis subiacere perpetuis ni quantocius a sua discedat prauitate Illud etiam ceteris rebus interponimus ut nullius mussitatio persone cuiuslibet altioris inferiori sue fuerit ordinis aduersus hanc redintegrationis largitatem quicquam preualeat sed nec schedularum congeries ueteranarum antiquorum regum digesta temporibus ullam hanc schedulam conuincendi obtineat facultatem nec quas ipse pro iuuenili etate dictaui neque quas ipsi antecessores mei pro uariis ministrorum meritis seu quorumlibet coemptione metallorum largiri tunc temporis dignum duxerunt sed eliminata ut prædiximus omni controuersia huius schedule annotatione cuncta ad nichilum redigantur testimonia adhibitis etiam ad hanc cartam præscriptorum regum apicibus ad eundem sanctum uetusti cenobii locum pertinentibus qui ab exordio christianitatis ut prædiximus titulati sunt His confiniis predictum rus circumquaque gyratur Ærest of crawan crundul on wereðan hylle on fyrdinges lea on Eblesburnan to Afene on wisere on ða fulan lace on earnes beorch on dic et Beoreðes treowe on ðon harepoðe to headdan grafe ðonne on ðone hagan to wytan wyrðe on ðire brock on welewe on ða dic et Hiceles wyrðe ðonne ofer ðone feld on hagan ut þurh bremberwudu on ðone stenenan stapul andlang herepaðes to fobban wylle andlang herepaðes to ðes hagan ende to fegerhilde forda on ðone hagan on Ceorles hlewe on crawan crundul ðonne on ða yferan gemere on Eblesburnan on Stretford on hrofan hric andlang weges on ða dic to bymera cumbe and ðer þwyres ofer þreo crundelas ofer ða streat ðæt þurch ofer ða done to wudu beorch hylle ofer berigancumb on Eblesburnan on beordune on ðes hlinces ende on ðone smalan weg ofer higcumb on ðan smalan wege on ðone stan on ðet heð westeweard on ðone beorch to ðem ricgwege ðonne east andlang hricgweges to Brytfordinga landsceare ðæt suð on Stretford Restitui autem præfatum rus alme trinitati indiuisibilique unitati ad eorumdem limina apostolorum in Wentana urbe pollentia sacrosancta tunc temporis pascali mundum irradiante sollempnitate collecta haud minima sapientum multitudine in aula uille regie que nuncupatiue a populis et Calnæ uocitatur Ac sic paucis interpositis ymeris rursus aduocata omnis exercitus caterua pontificum abbatum ducum optimatum nobiliumque quam plurimorum ad uillam que ab indigenis Wanetincg agnominatur ob diuersarum questiones causarum corrigendas hoc interea hac schedula certius assignari permisi plurimorumque senum auctoritate roborari dignum iudicaui rotante sole xx mei imperii annum qui est annus dominice incarnationis DCCCCXCVII indictione x accurrente Et hæc sunt eorum onomata quorum testimonio ipsa nostra largitas satis digna preualet assertione ordinantur enim inferius unius cuiusque ordinis singillatim persone inscriptis primum pontificum uocabulis deinde abbatum sicque ducum ad ultimum uero ut cernis ministrorum nobilium + Ego Æðelred rex Anglorum hoc nostre donum renouationis hac schedula demonstrari congruum duxi + Ego Ælfðryð mater regis + Ego Æðelstan filius regis + Ego Ecgbyrht filius regis + Ego Eadmund filius regis + Ego Eadred filius regis + Ego Eadwig filius regis + Ego Æðelfric Dorouernensis ecclesie archiepiscopus adquieui + Ego Ealdulf Eboracensis ecclesie archiepiscopus adunaui + Ego Ælfheah eiusdem sancte Wentane ecclesie episcopus annotaui + Ego Uulfstan Lundoniensis ecclesie episcopus affirmaui + Ego Ælfheah Licetfeldensis ecclesie episcopus assignaui + Ego Æscwig Dorcensis ecclesie episcopus assensum prebui + Ego Ordbyrht Australium Saxonum episcopus coadunaui + Ego Aðulf Herefordensis ecclesie episcopus condixi + Ego Godwine Hrofensis ecclesie episcopus consensi + Ego Wulfsige Scirburnensis ecclesie episcopus confirmaui + Ego Ælfwine Fontane ecclesie episcopus corroboraui + Ego Æðelstan Orientalium Anglorum episcopus consigillaui + Ego Ælfwold Cridiensis ecclesie episcopus conclusi + Ego Sigeferð Lindissi ecclesie episcopus non restiti + Ego Ealdred Cornubiensis ecclesie episcopus nil opposui + Ego Ælfweard Glestingensis ecclesie abbas + Ego Wulfgar Abbaduniensis ecclesie abbas + Ego Ælfsige Wentane noue ecclesie abbas + Ego Luwincg Cerotensis ecclesie abbas + Ego Byrhtelm Excestrensis ecclesie abbas + Ego Leofric Micelanigensis ecclesie abbas + Ego Keanulf Burhgensis ecclesie abbas + Ego Ælfrich Mealdubiensis ecclesie abbas + Ego Wulfric sancti Augustini ecclesie abbas + Ego Leofric sancti Albani ecclesie abbas + Ego Ælfwic Occidentalis Monasterii abbas + Ego Ælfuere Baðonensis ecclesie abbas + Ego Germanus Ceolesigensis ecclesie abbas + Ego Ælfric Eofeshamensis ecclesie abbas + Ego Æðelweard Occidentalium Prouinciarum dux + Ego Ælfric Wentaniensium Prouinciarum dux + Ego Ælfhelm Norðanhumbrensium Prouinciarum dux + Ego Leofsige Orientalium Saxonum dux + Ego Leofwine Wicciarum Prouinciarum dux + Ego Æðelmer non contradixi minister + Ego Ordulf non rennui minister + Ego Byrhtwold non interdixi minister + Ego Wulfheah non repugnaui minister + Ego Wulfric non abnui minister + Ego Leofric non obstiti minister + Ego Wulfgeat nil obieci minister + Ego Byrhtmer nil interposui minister + Ego Frena nil interclusi minister + Ego Leofric minister + Ego Æðelric minister + Ego Æðelweard minister + Ego Uulfmer minister + Ego Ælfgar minister + Ego Uulfweard minister + Ego Ælfnoð minister + Ego Leofwine minister + Ego Byrchtere minister + Ego Leofwine minister + Ego Wynnelm minister + Ego Uulfgar minister + Ego Æðelwine minister + Ego Byrchtrich minister