Charter Document - 06510169
| Charter Number: | 06510169 |
|---|---|
| Cartulary Title: | Charters of the Old Minster, Winchester |
| Charter Language: | Latin, English |
| Charter Origin: | Royal |
| Charter Type(s): | Grant |
| Date: | 0985 |
| Date type: | Internal, A.D. |
| Resource Link(s): |
eSawyer (S 860) |
Charter:
In patris ac prolis sanctique flaminis onomate Cum pius orbis sator eliminatis priscis Paradisi accolis diffuse telluris ambitum proauum nostrum mancipasset exercere laboribus quatinus tellus nascentibus priorum patrum sobolis passim uiridis abundaret manipulis ne rigida mortales quateret fames quos pellax cerastes mordaci mendatio ab immortali lugubriter pepulerat quiete Paradisi diuersas nationum monarchias uariis concessit dominari rectoribus sceptra quoque uastissimi cosmi omnipotenti nutu regibus præordinavit regenda præcluis quatinus sobriis atque sibi deuote obsecundantibus procerum satrapamque frui libere concedant infulis turgidos uero atque gaza fero huius seculi astu arridentes perniciter pro meritis eui labentis trudant erumpnis Sibi quoque indefessa theorice uite amenis sima cum terrestribus bonis lucrentur gaudia ubi suauitate pascantur melli fluam atque pro temporalis uite per paruissimis iusticie gratia Christo sibique famulantibus collatis muneribus etherealis regni conscendant fastigia ac cum celicolis eternitatis indigene immarcescibili flauescentique ditentur laurea Qua de re infima quasi peripsema quisquiliarum abiiciens superna ad instar pretiosorum monilium eligens animum sempiternis in gaudiis figens ad nanciscendam melliflue dulcedinis misericoridam perfruendamque infinite latitia iocunditatem ego Æðelredus rex Anglorum per omnipatrantis dexteram totius Britanniæ regni solio sublimatus cuidam femine Wulfrun uocitamine quasdam terrarum particulas x scilicet cassatos duobus in locis diremptas ix uidelicet in loco qui dicitur at Heantune et eque unam manentem in eo loco que Anglice at Treselcotum uocitatur in eternam concedo hereditatem quatenus illa bene perfruatur ac perpetualitur possideat dum huius labentis cui cursum transeat illæsa atque uitalis spiritus in corruptibili carne inhereat et post illius ab hac uita discessum cuicumque heredi illi placuerit liberam concedendi habeat potestatem Si autem tempore contigerit aliquo quempiam hominum aliquem libellum ob istarum apicum adnihilationem in palam producere sit omnimodis ab omnibus hominum ordinibus condemnatus omnique abolitus industria ueritatis cuiuscunque regum antecessorum meorum tempore fuerit præscriptus Sint autem predicta ruricula libera ab omni mundiali obstaculo cum omnibus que ad ipsa loca pertinere dinoscuntur tam in magnis quam in modicis rebus campis pascuis pratis siluis aquarumque cursibus exceptis tribus expeditione pontis constructione arcisue munitione Si qui denique michi non optanti hanc libertatis cartam cupiditatis liuore depressi uiolare sategerint cum agminibus tetre caliginis lapsi uocem audiant examinationis die magni iudicii sibi dicentis Discedite a me maledicti in ignem eternum ubi cum dæmonibus ferreis sartaginibus crudeli torqueantur in pena si non ante mortem digna hoc emendauerint penitentia Istis terminis predicta terra circumgyrata esse uidetur Ærest ðer gose broc scyt on sæffan mor ðanon ongean stream of seofan wyllan broc of ðam broce on ane wyllan of ðære wyllan on oðre wyllan of ðære wyllan innan ða dic andlang dic on ane mære of ðam mære on Bilsatena gemæro ðanone on secges leage gemæra andlang gemære ðæt on sceorfes mor of ðam more on hlyðe broc andlang broc ðæt on wæte leahe of wæte leahe upweard on ðone snawan of ðam snawan on gerihte ofer ðone feld hit cymð ðer seo stige scyt on ða stræte ðe liggeð fram Byrngyðe stane æfter ðære sige ðæt on geaggan treow of ðam treowe on ða bradan stræte ðæt hit cymð on medwe ðonne æfter medwe sice ðæt hit cymð on tresel upp andlang tresel ðæt heft ðer gose broc scyt on sæffan mor Anno dominice incarnationis DCCCCLXXXV scripta est hæc cartula indictione xiii his testibus consentientibus quorum inferius nomina caraxantur + Ego Æðelredus rex Anglorum huius donationis libertatem regni totius fastigium tenens libenter concessi + Ego Dunstanus Dorouernensis ecclesie archiepiscopus eiusdem libertatem cum signo sancte crucis roboraui + Ego Oswaldus Eboracensis ecclesie archiepiscopus eiusdem donationem crucis taumate adnotaui + Ego Ælfstanus episcopus confirmaui + Ego Æðelgarus episcopus consignaui + Ego Ælfheah episcopus consolidaui + Ego Æscwig episcopus consensi + Ego Sigar episcopus conclusi + Ego Aðulf episcopus subscripsi + Ego Ælfric episcopus non renui + Ego Æðelsige episcopus adquieui + Ego Æðelwine dux + Ego Byrhtnoð dux + Ego Æðelweard dux + Ego Ælfric dux + Ego Ðureð dux + Ego Ordbriht dux + Ego Siric dux + Ego Leofric dux + Ego Ælfhere abbas + Ego Ælweard abbas + Ego Ælfsige minister + Ego Wulfsige minister + Ego Ælfgar minister + Ego Æðelsige minister + Ego Ælfric minister + Ego Leofric minister + Ego Ælfhelm minister + Ego Leofstan minister + Ego Wulfric minister + Ego Æðelmer