Charter Document - 06510167

In patris ac prolis sanctique flaminis onomate Cum pius orbis sator eliminatis priscis Paradisi accolis diffuse telluris ambitum proauum nostrum mancipasset exercere laboribus quatinus tellus nascentibus priorum patrum sobolis passim uiridis abundaret manipulis ne rigida mortales quateret fames quos pellax cerastes mordaci mendatio ab immortali lugubriter pepulerat quiete Paradisi diuersas nationum monarchias uariis concessit dominari rectoribus sceptra quoque uastissimi cosmi omnipotenti nutu regibus preordinauit regenda præcluis quatinus sobriis atque sibi deuote obsecundantibus procerum satrapamque frui libere concedant infulis turgidos uero atque gazifero huius seculi astu arridentes perniciter pro meritis eui labentis trudant erumpnis Sibi quoque indefessa theorice uite amenissima cum terrestribus bonis lucrentur gaudia ubi suauitate pascantur melli fluam atque pro temporalis uite per paruissimis iusticie gratia Christo sibique famulantibus collatis muneribus æternalis regni conscendant fastigia ac cum celicolis eternitatis indigene immarcescibili flauescentique ditentur laurea Qua de re infima quasi peripsema quisquilia arum abiiciens superna ad instar pretiosorum monilium eligens animum sempiternis in gaudiis figens ad nanciscendam melli fluo dulcedinis misericordiam perfruendamque infinite latitia iocunditatem ego Æðelredus rex Anglorum per omnipatrantis dexteram totius Brytanniæ regni solio sublimatus quandam telluris particulam cuidam michi dilecto ministro Æðelrico id est xvii cassatos segetibus mixtis in loco quem soli cole at Harewillan uocitant libenter tribuo cum pascuis ac pratis feni ad hoc rus rite pertinentibus quatinus sibi uita comite habeat ac possideat cum autem dissolutionem sui corporis imminere cognouerit cuicunque sibi libuerit heredi commendet ut supradiximus in eternam possessionem Si autem tempore contigerit aliquo quempiam hominum aliquem libellum ob istarum apicum adnihilationem in palam producere sit omnimodis ab omnibus ordinibus hominum condemnatus omnique abolitus industria ueritatis cuiuscumque regum antecessorum meorum tempore fuerit perscriptus Sit autem predictum rus liberum ab omni mundiali obstaculo cum omnibus que ad ipsum locum pertinere dinoscuntur tam in magnis quam in modicis rebus campis pascuis pratis siluis diriuatisque cursibus aquarum exceptis istis tribus expeditione pontis arcisue coædificatione Hanc uero meam donationem minuentibus atque frangentibus fiat pars eorum cum illis de quibus e contra fatur Discedite a me maledicti in ignem eternum qui paratus est Sathane et satellitibus eius nisi prius digna satisfactione deo penitentia legali emendent Istis terminis predicta terra circumgyrata esse uidetur Ærest of Harandune wege ðonne hit sticað on Middelhæma gemæra on Suttuninga lace of Suttuninga lace on Leofsiges gemæra on ða hnottan dic of ðære hnottan dic on brembel þorn of brembel þorne on Hengestes geat of Hencstes geate on ða ealdan dune to Brihtwoldes gemæra of Brihtwoldes gemæra æft on Harandune Anno dominice incarnationis DCCCCLXXXV scripta est hæc cartula indictione xiii his testibus consentientibus quorum inferius nomina carraxantur + Ego Æðelredus rex Anglorum huius donationis libertatem regni totius fastigium tenens libenter concessi + Ego Dunstanus Dorouernensis ecclesie archiepiscopus cum signo sancte crucis corroboraui + Ego Oswoldus Eboracensis ecclesie archiepiscopus crucis taumate adnotaui + Ego Ælfstanus episcopus confirmaui + Ego Æðelgarus episcopus consolidaui + Ego Ælfheah episcopus consignaui + Ego Aðulf episcopus non renui + Ego Ælfric episcopus dictaui + Ego Æðelsige episcopus annui + Ego Wulfgarus episcopus faui + Ego Æðelwine dux + Ego Brihtnoð dux + Ego Æðelweard dux + Ego Ælfric dux + Ego Ðureð dux + Ego Ordbryht abbas + Ego Syric abbas + Ego Leofric abbas + Ego Ælfhere abbas + Ego Ælfweard minister + Ego Ælfsige minister + Ego Wulfsige minister + Ego Ælfgar minister + Ego Æðelsige minister + Ego Ælfric minister + Ego Leofric minister + Ego Wulfric minister + Ego Æðelmer minister