Charter Document - 06510166
| Charter Number: | 06510166 |
|---|---|
| Cartulary Title: | Charters of the Old Minster, Winchester |
| Charter Language: | Latin, English |
| Charter Origin: | Royal |
| Charter Type(s): | Grant |
| Date: | 0983 |
| Date type: | Internal, A.D. |
| Resource Link(s): |
eSawyer (S 849) |
Charter:
Nunc mutando fragilitas mortalis uite marcescit et rotunda seculorum uolubilitas inanescit ac in carorum propinquorum amicorumque amissione conqueritur ac defletur Ideo ego Æðelred totius Brittanie basileus quandam capturam in amne Derentan constructam que usitato at Ginanhecce nuncupatur uocabulo et exiguam ruris portiunculam predicte capture piscatori atque procuratori ad usus necessarios aptam Æðelwoldo mihi episcoporum carissimo perpetua largitus sum hereditate ut ipse uita comite uoti compos habeat et post uite sue terminum quibuscunque uoluerit clero nomis immunem derelinquat Hoc autem in nomine alme trinitatis et indiuidue unitatis atque in ueneratione sancte dei genitricis semperque uirginis Marie et omnium sanctorum angelorum patriarcharum prophetarum apostolorum martyrum confessorum et uirginum ut nemo successorum meorum nec aliquis hominum altioris uel inferioris gradus aliam capturam huic anteponere a ripa usque ad ripam ullo modo præsumat Quod si quis diabolico instinctus spiritu præsumpserit anathema sit et nisi satisfactione sui reatus cessando ueniam obtinuerit in maledictione domini persistens eternis barathri incendiis punitus crucietur abyssos uero gurgitum ante capturam locatos nemo retibus piscari sine licentia episcopi siue capturam possidentis ullo modo audeat Si quis uero in tribus abyssis ad capturam ipsam pertinentibus retia piscando traxerit uel statuerit furti crimine obnoxius teneatur Termini uero huius exigui telluris hi sunt Of Dærentan on ða ealdan þornræwe to ðam æsce on ða þornræwe ðæt eft innon Dærentan Hæc sunt nomina gurgitum qui ad piscandum extraneis cum anathemate prohibiti sunt Cytala pol Lym pol Wylles muða Anno dominice incarnationis DCCCCLXXXIII scripta est hæc carta his testibus consentientibus quorum nomina inferius caraxantur + Ego Æðelredus rex præfatam donationem concessi + Ego Dunstan Dorouernensis episcopus consensi + Ego Oswald archiepiscopus confirmaui + Ego Æðelwold episcopus corroboraui + Ego Ælfðryð prefati regis mater confirmaui + Ego Ordbryht abbas confirmaui + Ego Leofric abbas consensi + Ego Ælfere dux consignaui