Charter Document - 06510160
| Charter Number: | 06510160 |
|---|---|
| Cartulary Title: | Charters of the Old Minster, Winchester |
| Charter Language: | Latin, English |
| Charter Origin: | Royal |
| Charter Type(s): | Grant |
| Date: | 0980 |
| Date type: | Internal, A.D. |
| Resource Link(s): |
eSawyer (S 836) |
Charter:
Catholicorum incitamento muniminum ut eminentem plasmatoris uniuersorum et inextricabilem eternitatis essentiam mira dispositionis indagine condita gubernantem interna penetralium suppeditatione magnificare strenue suademur ut que tanto frequentium assiduitate moliminum cum indefessa magis auiditate sensuum ad impetranda celicolarum al acrimonia diligentius insudando studeamus quanto particulatim hæc defectu compellente habilia quibus et ineffabilis ille creator misericordiarum exhibitione formatorum reparator imaginaria sui similitudine compactum quadriformis adhibito materiei uigore corporatum in ipso pene caducorum exordio præfecit hominem fortuita nimium et repentina casuum uarietate penitus hæc ipsa adnullari properantia uidentur Quapropter ego Æðelred altithroni fauente clementia Anglice nationis basileus ut hæc ærumnosa laboriosi exilii uitare pericula et que illius eternitatis libertate participari queam quandam ruris particulam mansam uidelicet unam atque dimidiam que noto Celcesora nuncupatur uocabulo ad capturas inibi piscium conficiendas honorabili uetusto cenobio Wentana ciuitate magnifice constructo alme trinitatis et indiuidue unitatis honori dedicato perpetua largitione donaui hoc firmiter adiciens ut nullius dignitatis superba tumidus audacia hanc donationem nostram in aliud quid immutare præsumat dedit namque Æðelwoldus eiusdem ecclesie præsul pro hoc litore capture piscium apto et pro supradicta exigue telluris particula auream pretiosi ponderis armillam Sit autem predictum rus omni terrene seruitutis iugo solutum tribus exceptis expeditione pontis arcisue restauratione Si quis autem furenti conamine uecors hanc nostram munificentiam quolibet modo temerarius auferre præsumpserit alienatus ipse a communione sancte ecclesie et omnium electorum dei consortio cum Iuda Christi proditore sine fine dampnatus intereat nisi digna prius in hac uita satisfactione penituerit quod contra sanctam et indiuiduam trinitatem rebellis agere non distulit His metis hoc rus hinc inde giratur Ðis sind ða landgemæra at Celcesoran Ærest of Solentan on burnan andlang burnan on Wealpaðabrygce of Wealpaðabrygce on Hyldingbroc ufeweardne swa forð andlang rewe on bradan fleot andlang bradan fleotes ut on sæ Anno dominice incarnationis DCCCCLXXX scripta est huius munificentiæ syngrapha his testibus consentientibus quorum inferius nomina secundum unius cuiusque dignitatem caraxantur + Ego Æðelredus rex præfatam donationem concessi + Ego Dunstan archiepiscopus consignaui + Ego Oswold archiepiscopus consolidaui + Ego Æðelwold episcopus corroboraui + Ego Ælfstan episcopus confirmaui + Ego Ælfric episcopus + Ego Aðulf episcopus + Ego Ælfeah episcopus + Ego Osgar episcopus + Ego Æðelgar episcopus + Ego Ælfære dux + Ego Æðelwine dux + Ego Bryhtnoð dux + Ego Æðelweard dux + Ego Æðelmær dux + Ego Eadwine dux