Charter Document - 06510155
| Charter Number: | 06510155 |
|---|---|
| Cartulary Title: | Charters of the Old Minster, Winchester |
| Charter Language: | English |
| Charter Origin: | Religious |
| Charter Type(s): | Grant |
| Date: | 0975 - 0978 |
| Date type: | Assigned |
| Resource Link(s): |
eSawyer (S 1376) |
Charter:
Her sweotelað hu Aðelwold biscop and se hired on Winceastre on ealdan mynstre be Eadwardes cyninges leafe gehwyrfdon landa wið Ælfwine Ælfsiges sunu and Æðelhilde þæt is ðonne þet se biscop and se hired him sealdon xii hida landes at Mordune þe his yldran heora æftergengan to ði betehtan þet hi ælce geare of ðan lande geformædon forða þe þa are gestrynden and Ælfsige his agen fæder þet ylcæn land æft ðem hyrde on ealdan mynstre þær eal his forðfædren rest forða feormæ betehte and he him on þæt ylcan gera þær togeanes gesealde binnan Wintanceastre twegra æcera gewirde landes and ðene stream þe ðærto ligð binnan ðæm rymette þe se biscop mid wealle into ðem mynstre befangan hæfð to ðan ealdan portwealle and þa boc þærto agæf ðe Ælfred cining his yldran gebocode ðonne wes ðises gehwerfes to gewitnesse Eadward cining and Aþelwold biscop and Æþælmær ealdorman and Æþelgar abbod and Æðelhild and ða ðry hyredas on ealdan mynstre and on niwan mynstre and on nunnan mynstre and seo burhwaru on Winceastre Þonne synt ðyses gehwerfes iiii gewrytu to geswitulunge an is mid Ælfwine oðer in ealdan mynstre þridde on niwan mynstre feorðe on nunnan mynstre