Charter Document - 06510145
| Charter Number: | 06510145 |
|---|---|
| Cartulary Title: | Charters of the Old Minster, Winchester |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 0963 - 0975 |
| Date type: | Assigned |
| Resource Link(s): |
eSawyer (S 827) |
Charter:
Iccirco ego Eadgar Christi conferente gratia totius Angli genæ nationis ceterarumque gentium Britannica insula degentium rex gloriosus sancti spiritus charismate partim attactus mentis nostræ archano deliberare cepi atque optimatum meorum utens consilio patulo vocum proclamare indicio Quanto inquam simulate transeuntis vitæ gloria ut fæni flos velociter arescens deficit letalisque huius vitæ umbri fidæ finis immanendo incumbit tanto etiam catholica christiane religionis studia totius virtutis adnisu restauranda et ecclesiarum possessione quæcunque oblitterata fuerant recuperanda fore nostræ mentis archano assidue rimamur Hinc igitur lx et iiii mansas viii locis distinctas quæ his usualiter nuncupantur vocabulis Tuifyrde Crawanlea Oselbyrig Hefesylting Hortun Stoce Oterburna Ceoliglond Eastun Hundetun ut a meis dudum supradictæ Wintoniensi basilicæ reverendæ trinitati ejusque apostolis Petro atque Paulo æterna largitæ fuerant ita hac nova cartula cum meorum auctoritate procerum Adelwoldo præsule obtinente roboratas eterna humilis renovo libertate Sint autem omnia hæc supradicta rura omni terrenæ servitutis jugo libera tribus exceptis rata videlicet expeditione pontis arcisve restauratione Si quis autem hanc recuperatam moderni temporis libertatem violare præsumpserit anathematizatus in domini persecutione horribiliter deficiat