Charter Document - 06510144
| Charter Number: | 06510144 |
|---|---|
| Cartulary Title: | Charters of the Old Minster, Winchester |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 0963 - 0975 |
| Date type: | Assigned |
| Resource Link(s): |
eSawyer (S 826) |
Charter:
Fortuitu seculorum patrimonia incertis nepotum heredibus relinquuntur et omnis mundi gloria appropinquante vitæ mortis termino ad nichilum reducta fatescit Id circo terrenis caducarum possessionibus semper mansara supernæ patriæ emolumenta adipiscentes domino patrocinante rebus recidivis lucranda sanctorum decernimus hortatu Quamobrem ego Eadgar cælsi throni moderatoris annuente clementia tocius Bryttannie triviatim potitus regmine ad æterni regni beatitudinem toto mentis conatu largiente domino venire desiderans lx telluris cassatos in nostræ christianæ religionis exordio a Cynewalh rege Catholico Wintoniensi ecclesie ob reverentiam summæ trinitatis ejusque apostolorum Petri et Pauli devotissime largitam novis litterarum apicibus domini instigante gratia renovare studeo ne successores futuræ prosapiæ ignorantes possessionis domini quippiam ad animæ suæ detrimentum violando minuant Supra dictæ igitur telluri ab incolis nomen inditum videtur at Ticceburnan and at Beowyrðe and at Ufinctune Quam cum optimatum meorum consilio eadem renovans libertate munificus ob animæ meæ remedium regnique ac successorum futuræ posteritatis prosperitatem libentissime dito qua dudum a prædecessoribus meis dictata fuerat Maneat igitur ut præfatus pontifex Aðelwold humiliter deposcit omni terrenæ servitutis jugo libera tribus exceptis rata videlicet expeditione pontis arcisve restauratione Si quis hanc nostram munificam renovatamque libertatem avidus violare præsumpserit anathema sit et in Christi omniumque sanctorum maledictione permaneat nisi cum humili satisfactione penitens emendaverit