Charter Document - 06510143
| Charter Number: | 06510143 |
|---|---|
| Cartulary Title: | Charters of the Old Minster, Winchester |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 0963 - 0975 |
| Date type: | Assigned |
| Resource Link(s): |
eSawyer (S 825) |
Charter:
Quapropter ego Eadgar divina favente clementia tocius Albionis basileus intra mei pectoris archano superni moderatoris instinctu attactus obnixe rimari ceperam quomodo caducis æterna perituris mansura mercari valerem Occurrit igitur animo deliberanti ut non solummodo territoria Wintoniensis episcopatus ecclesie videlicet consecrate ob reverentiam agiæ Trinitatis unitatisque necnon Petri apostolorum principis atque Pauli eximii verbi satoris pro redemptione animæ meæ statuque mei imperii ac dilectione Adelwoldi venerandi antistitis quæ meis inibi degebat temporibus renovarem atque in una colligerem schedula verum etiam fundos præfatæ basilicæ qui injuste ab aliquibus marci gulæ fastu superbiæ indomite tumentibus abstracta videbantur intercapedine modici chromatis magnopere qualiter olim a meorum dapsilitate prædecessorum benigne cum suis rite sibi pertinentibus dati cassentur meorum testimonio functus procerum quorum nomina in ultima huius schedulæ pala caraxata videntur humillime restituerem Hinc Tantun ejusdem quantitatis c videlicet mansis spatiose dilatatum successorumque omnium prosperitate a nobis æternaliter restituitur ecclesie Præfatum eterna rus prius a quadam antiquitus largitum est regina religiosa ac postea ab Aðulfo rege glorioso tocius sui regni rura decimatne copiose augmentatum renovatisque supradicti territorii cartulis æterna firmatum est dapsilitate Rex itidem Eadweard novis hereditatum cartis hoc idem rus æterna consolidavit libertate acceptis videlicet lx pro eadem libertate mansis xxx scilicet at Banewillan xx at Scealdeburnan stoce x at Crawancumbe quod tamen tot regum procerumque fixa firmatum donatione instigante diabolo injuste a quibusdam prædecessoribus meis philargiriæ vitio seductis violenta abstractum est rapina A me iterum Christi annuente gratia restitutum perpetua ad usus predicti pontificatus præsulum ditatur libertate Si quis autem hanc nostram violare minuereve munificentiam tyrannica fretus superbia præsumpserit anathema sit et domini clementia sanctorumque omnium privatus contubernio inimicorum omnium persecutione vallatus depopulatusque intereat nec in hac vita ullam obtineat veniam sed in futuro perenni supplicio deputatus inferni fauce consumptus sine fine persistat cruciatus nisi satisfaciendo redintegraverat quod incipiendus minuendo delevit Tres mansæ in Cearn ad rus præfatum pertinent et duæ at Wecetforda