Charter Document - 06510141
| Charter Number: | 06510141 |
|---|---|
| Cartulary Title: | Charters of the Old Minster, Winchester |
| Charter Language: | Latin |
| Charter Origin: | Royal |
| Charter Type(s): | Restoration |
| Date: | 0963 - 0975 |
| Date type: | Assigned |
| Resource Link(s): |
eSawyer (S 823) |
Charter:
Gratia Dei cunctis spiritali præditis sapientia qui deificæ contemplationis beatitudinem puræ mentis intuitu lacrimarum valle degentes crebro anhelantes suspirio cernere desiderant manifestissimis scripturarum liquido declaratur indiciis quod unius quisque fidelium ad supernam celorum tendens patriam potis est imis celestia caducis eterna lucrando in segniter promereri ac mundi huius principem qui vitiorum sectatoribus infestissime dominatur in huius vitæ stadio robustissime expugnare Quapropter ego Eadgar Angli genarum ceterarumque gentium hinc inde persistentium rex a domino constitutus non immemor ob hoc mihi transitoria ut his æterna Christi opitulante gratia lucrarer fore concessa quoddam Rus lxx mansis spaciose dilatatum a prædecessoribus meis olim Wintoniensi ecclesie ob almæ trinitatis ejusque apostolorum Petri et Pauli reverentiam dedicatæ æterna largiti sunt hereditate hac hereditaria carta novis litteris ad præfatam recuperans reduco libertatem Quod agnoscitis Fearnham noto nuncupatur vocabulo lx mansis consistens at Beonetleh x determinatum cassatis Nullus igitur hanc nostram libertatem quam Adelwoldo præsule deposcente nuper ut antiquitus fuerat devotus edidi infringere vel minuere præsumat Sit autem omni terrenæ servitutis solutum excepta expeditione pontis arcisve recuperatione Si quis hanc nostram violaverit libertatem anathema sit