Charter Document - 06510140
| Charter Number: | 06510140 |
|---|---|
| Cartulary Title: | Charters of the Old Minster, Winchester |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 0963 - 0975 |
| Date type: | Assigned |
| Resource Link(s): |
eSawyer (S 822) |
Charter:
Ineffabili Rerum creatore ac moderatore domino nostro Jhesu Christo in æternum regnante abominabilia titillantis seculi piacula diris obscenæ horrendeque mortis circumsepta latratibus quæ in huius incolatus patria Christianæ religioni subjectos nequaquam securos degere sinunt set quasi fetidæ corruptelæ in voraginem casuros incitando provocant libidinoso miserrimoque seculi appetitu Piaculorum itaque auctorem cum omnibus pompis ejus toto mentis conamine non solum despiciendo sed etiam velut fastidiosam melancholicæ nauseam abominando fugiamus caventes mundi fragilis prosperum excursum ne nimio ejus amore irretiti apostatando a domini lugubriter recedamus clementia illud sedulo rimantes propheticum Divitiæ si affluant nolite cor apponere Quapropter infima quasi peripsima quisquilia arum abiciens superna ad instar preciosorum monilium eligens animum sempiternis in gaudiis figens ad adipiscendam melli fluo dulcedinis misericordiam perfruendamque infinite lætitiæ jocunditatem ego Eadgar per omni patrantis dexteram totius Britanniæ regni solio sublimatus quandam ruris particulam id est xxx mansas loco qui celebri at Fearnham nuncupatur onomate predictæ episcopatus cathedræ ob sanctæ trinitatis apostolorumque Petri et Pauli reverentiam æterna libertate uti priscis data fuerat temporibus renovando humili restituo devotione Hanc itaque libertatem præfatus pontifex Aðelwold domini cooperante gratia cum magna optinuit humilitate Sit igitur præfata terra cum omnibus ad se rite pertinentibus omni terrenæ servitutis jugo libera tribus exceptis rata videlicet expeditione pontis arcisve restauratione Si quis diaboli hortatu hanc nostram minuere præsumpserit libertatem anathema sit