Charter Document - 06510137
| Charter Number: | 06510137 |
|---|---|
| Cartulary Title: | Charters of the Old Minster, Winchester |
| Charter Language: | Latin |
| Charter Origin: | Royal |
| Charter Type(s): | Renewal |
| Date: | 0963 - 0975 |
| Date type: | Assigned |
| Resource Link(s): |
eSawyer (S 819) |
Charter:
Dominus omnipotens qui vivit in eternum creans omnia simul divino et coæterno verbo sex diebus formulas rerum distinxit singularum Ex creatura igitur creatorem agnoscens mirabilem præsentia ad futurorum comparationem bonorum velut quisquilia arum peripsema vel fetidam melancholicæ nausiam apportanda reprobans æternæ beatitudinis emolumenta medullitus lucrari desiderans ego Eadgar divina largiente gratia totius Britanniæ rex ob animæ meæ salutem regnique nostri ac filiorum successorumque omnium prosperitatem Quoddam rus X videlicet mansarum quantitate taxatum usitato at Clearan nuncupatum vocabulo olim ab Aþulfo rege tocius sui regiminis rura decimatne ad refocillationem pontificum predictæ Wintoniensi ecclesie eterna largitum est dapsilitate modernoque tempore a quibusdam perfidis injuste abstractum raptoribus reverende trinitati Petroque apostolorum principi ejusque coapostolo Paulo eterna solutum libertate humiliter restituo Hoc in Christi nomine præcipio ut nemo successorum meorum violare audacter præsumat quod ego meorum auctoritate procerum domino recuperando restitui Si quis autem philargiria seductus aliqua nova et adulterina cartula hanc nostram largifluam a domino abstrahere voluerit munificentiam anathema sit et inferni incendiis assiduo punitus jugi miseria cruciatus intereat Vetus namque et hæc nova quam edidi domino instigante cartula jugi profectu vigeat et omnes qui ei juvamen impenderint peccaminum suorum veniam consequendo eternæ vitæ beatitudinem Christo largiente obtineant Sit autem hoc rus Adþelwoldo præsule obtinente eadem libertate gloriosum qua priscis fuerat temporibus insignitum Qui vero ejusdem libertatis gloriam violare iniquæ præsumpserit a Christo reprobatus inferni miseria puniatur nisi satisfaciendo se humiliatum correxerit