Charter Document - 06510134
| Charter Number: | 06510134 |
|---|---|
| Cartulary Title: | Charters of the Old Minster, Winchester |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 0963 - 0975 |
| Date type: | Assigned |
| Resource Link(s): |
eSawyer (S 816) |
Charter:
Kalante divinæ auctoritatis hagiographa commonemur ut terrena præsentis seculi lucra dantes celestia æternæ beatitudinis emolumenta jugi indefessaque adquiramus labore Ideoque incertum futuri temporis statum mutabilitatemque certis dinoscens indiciis totis viribus prout posse dederit qui cuncta creavit subnixe delibero ut redemptoris nostri possessionem æcclesiis jure delegatam in priorem sanctæ religionis statum sertis roborata litterulis medullitus con solidarem Quapropter ego Eadgar divina indulgente clementia totius Britannicæ insulæ solio sublimatus quoddam rus quod prisco Wealtham onomate xxviii cassatorum olim Wintoniensi veteris monasterii cathedræ commutando concessum novis apicum signis renovare Adelwoldo præsule suppliciter deposcente gratanter permitto Præfatum siquidem Rus antecessores nostri sanctæ Dei ecclesie reverendæ trinitati ejusque apostolis Petro et Paulo dicatæ pro commutatione illius oppidi quod Porteceaster nuncupatur omni mundiali servicio solutum concesserunt Sit igitur præfatum rus cujus ego cum optimatum meorum consilio libertatem fideliter renovavi æterna jocunditate gloriosum cum omnibus sibi rite pertinentibus pratis videlicet pascuis silvis expeditionis laborem pontis arcisve restaurationem tantummodo persolvat Alias æterna jocundetur libertate Siquis autem diaboli pellectus instinctu hanc perpetuam nostræ renovationis libertatem violare vel minuere audax præsumpserit a sancta corporis et sanguinis domini nostri Jhesu Christi communione et sancta Dei ecclesia ac sanctorum omnium contubernio segregatus æterna inferni miseria dampnatus intereat si non satisfactione congrua humiliter correctus emendaverit quod contra nostrum tumidus deliquit decretum