Charter Document - 06510124
| Charter Number: | 06510124 |
|---|---|
| Cartulary Title: | Charters of the Old Minster, Winchester |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 0963 - 0970 |
| Date type: | Assigned |
| Resource Link(s): |
eSawyer (S 807) |
Charter:
Divine auctoritatis ammonitione pie commonemur ut recidiuis instantis uisibilisque uite lucellis ea que non uidentur et eterna subsistunt toto mentis annisu assidue indefessi lucremur iugique animi nostri conamine fidem trinitatis in unitatis substantia manentem scrutantes sanctis operibus roborati deuotissime firmemus Thesaurum igitur terrene substantiæ celo collocans ego Eadgar totius Britanniæ basileus non solum habitaculum Uetusti Monasterii sed etiam Noui eque Sanctimonialum ut cenobite inibi degentes a ciuium tumultu remoti tranquillius Deo seruirent honorifice magna dilataui cautela spaciumque omne præfatis cenobiis contiguum dissipatis secularium domunculis in honore Domini nostri Jesu Christi eiusque genitricis semperque uirginis Marie sanctique Petri apostolorum principis et coapostoli eius Pauli isdem sanctis locis in Wentana ciuitate deifice locatis eterna largitus sum hereditate Maneat igitur præfatum donum perpetua libertate iocundum quod ex suis beneficus eterno Deo transitorius deuote concessi In nomine alme trinitatis et indiuidue unitatis præcipio ut nemo successorum meorum angustare temere præsumat quod ego amplificans circa monasteria dilataui sed spacium omne muris uel sepibus complexum uti dedi sanctis monasteriis perpetualiter deseruiat Si autem quispiam altioris uel inferioris ordinis homo angustanda donum nostrum uiolare præsumpserit anathema sit et cum Iuda filii Dei et Domini nostri Jesu Christi probiter eiusque complicibus infernali incendio sine fine cruciatus puniatur nisi ante obitum correctus emendauerit quod contra nostrum deliquit decretum Anno Dominice Incarnationis DCCCCLX[] scripta est hæc carta his testibus consentientibus quorum inferius nomina caraxantur Ego Eadgar rex præfata donationem concessi Ego Dunstan Dorouernensis archiepiscopus consignaui Ego Adelwold episcopus predictum donum consensi Ego Oswulf episcopus adquieui Ego Ælfstan episcopus consignaui Ego Alfwuld episcopus confirmaui Ego Brihteln episcopus non renui Ego Ealdelm episcopus conscripsi Ego Aelfdryd regina hanc donationem confirmaui Ego Escwig abbas Ego Ealfric abbas Ego Cyneward abbas Ego Osgar abbas Ego Æþelgar abbas Ego Sideman abbas Ego Ælfeah abbas Ego Godwine abbas Ego Ælfhere dux Ego Bryhtnod dux Ego Edelwine dux Ego Oslac dux Ego Ealfward dux Ego Eþelweard minister Ego Eanulf minister Ego Wlstan minister Ego Bryhtric minister Ego Leofa minister