Charter Document - 06510088
| Charter Number: | 06510088 |
|---|---|
| Cartulary Title: | Charters of the Old Minster, Winchester |
| Charter Language: | English |
| Charter Origin: | Lay |
| Charter Type(s): | Bequest |
| Date: | 0948 |
| Date type: | Assigned |
| Resource Link(s): |
eSawyer (S 1524) |
Charter:
Her is geswutelod on þisum gewrite hu Ordnoð and his Wif geuðan þara x hida at Cendefer into þæra ealdan cyrican to Wintanceastre ofer heora begra deg and þa boc þyderinnan sealdan to swutelunge on þa gerad þæt seo boc heam sy geara gyf hy hyre hwer beþurfan to ænire rihtinge and gange seo boc æft into þære stowe and dæle man swylcne del heora æhta swylce hy gecwedan æfter heora dege and gange seo ofereaca into þære stowe mid þam lande on ða gereðnesse is þæt land geseld to þam mynstre þæt man unc gefecce at uncrum ændedege mid þes mynstres crafte and unc swylce legerstowe forescewian swylc unc for gode þearflice sy and for weorulde gerysenlic Þis is seo gewitnes ðe Ordnod Wile habban godæs and his hiredes on ealdan mynstre þæt is þæt he and is wif cwædan on heora gewitnesse þæt is æhta gangan on his freonda hand ofer his deg se ðel þe he cweþe and se oþer dæl into þære stowe þær hi restað