Charter Document - 06510050

In nomine Domini Eadward cyning and þa hiwan in Wintanceastre lætað to Ðænewulfe bisceope twentig hida landes be Ticceburnan swa geirfað swa hit nu stent þreora manna deg æfter his dege swilcum frand to tolætenne swilce him leofost boð on þa gerad þe man gemynd æfter his dege to þære halgan stowe do in Wintanceastre swa swa he þænne finde þæt hit mæðlic sie and aberendlic be þæs landes meðe ælce geare to þære edmeltide þæt mon geselle twelf seoxtres beoras and twelf geswettes wilisc ealoð and twentig ambra hluttor ealoð and tu hund greates hlafes and þridde smales and tu hrieðeru oþer sealt oþer ferse and six weðeras and feower and swin and feor fliccu and twentig cysa gyf hit on lencten gebyrige þæt þæ þonne þære flæscun geweorð on fisce gestriene buton þæt þis forgenge sie gif hit þænne sie se ðe þæt land hæbbe þæt he þis his geagenes þances tuwa forgymeleasie buton hit hæres unæmetta sie þonne bid hic hiwan for Godæs lufan to tidsongum mun gemund don þonne bebeodað hie on Godes ælmihtiges naman and on sanctes Paules þæt hi fon to þan lande and min gemund þær on þam gerihtum þæ þarto bælimpað arerad be þam ilcan þe hit her bufan gecweden is buton þæt hi for Godes lufan to tidsangam min gemund don Þonne bebeodad hie on Godes ælmihtiges naman and on sanctes Petres and on sanctes Paules þæ hit hiera yrfe is þæt hit swa umbesæccen gange into þære Cyrican swa hit þa on dæg wes þa hit man him to læt and his gewrit was awriten on Wintanceastre on þara witena gewitnesse þe hiera naman hær bæniþan awriten standad Þæt is genemned Eadward cyning And Plegmund arcebisceop And Friðestan bisceop And Osulf Dux And Deormod minister And Tata presbyter And Beornstan presbyter And Æþelstan presbyter And Ælfstan presbyter And Ealhstan presbyter And Wulfric presbyter And Æþelbyrth presbyter And Yðelbeard presbyter And Wigelm Diaconus And Beornulf minister And Æþelstan clericus And Eaduf clericus And Ælfstan clericus And Æþelweard clericus And Wulfhelm clericus And Wulfstan clericus And Wulfric clericus And Winsige clericus And Beorhtsige clericus And Ælfsige clericus And Eadulf clericus And Wulfsige clericus And Winsige clericus And Wulfsige clericus And Wilaf clericus And Wulfstan clericus And Æðehelm clericus And Cynestan clericus And Heremod clericus And Ðrudgar clericus And Æðric clericus And Ælfred clericus And Uffa clericus