Charter Document - 06510047

Cum præsentis uitæ series mutabilium uarietur discursu et preterita obliuione tradantur nisi litterarum apicibus elucubrata posteris clarescunt Ego Eaduueardus diuina largiente clementia Angulsaxonum rex tempore quo dioecesim Uuentanæ ecclesiæ in duas diuisi parochias obnixæ rogatus fui a Friðestano quem tunc predictæ ecclesie episcopum constitueram ut nouarum astipulatione litterarum sanctæ ecclesiæ testamenta uti olim ab antecessoribus meis Cynegislo atque Cynewalho multisque eorum successoribus deuote tradita atque restaurata fuerant confirmans renouarem ob æternæ beatitudinis præmium et prosperum huius uitæ excursum terram quæ undique adiacet ciuitati quæ in exordio Christianæ religionis Birino uenerabili episcopo prædicante beato Petro eiusque coapostolo Paulo concessa fuerat consilio optimatum meorum usus cum territoriis antiquis cartulis insertis c uidelicet mansas licet spatiosior ab incolis estimari ualeat ita ut in ipsius terræ quantitate quod episcopo aratur et quod coloni inhabitant pro una tantummodo cassato reputetur qui Ciltancumb ab huius patriæ peritis uocatur auos atauos proauos atauosque spiritus sancti igne succensos deuotissime imitans itidem corroborando æterna largior hereditate Quam ob rem tam ego sceptra Anglorum patrio more regens quam Plegmund Dorubernensis ecclesiæ archiepiscopus ceterique utriusque ordinis sufraganei quorum inferius uocabula litterarum notulis designantur in nomine alme trinitatis atque indiuiduæ unitatis præcipimus tam Friðestano eiusdem Uuentanæ sedis episcopo quam cunctis eius successoribus ut nulli secularium militum nec ipsud rus nec aliud quotlibet ad ecclesiam Dei pertinens promunere quotlibet dare præsumant Seculares igitur episcoporum dicione subiecti intra ambitum huius spatiosæ telluris diuersis in uillis degentes censum episcopali sede persoluant et expeditionem pontis arcisue restaurationem dum necessitas incubuerit incunctanter peragant et has c mansas omni obsequio defendant ita ut Ciltancumb cum suis appendiciis pro una tantummodo mansa ut olim constitutum fuerat reputetur Moderno tempore uti antiquitus constitutum fuerat Hnut Scillingc et Ceolbolding tun in quantitate horum c cassatorum persistant hoc quoque in nomine alme trinitatis et indiuiduæ unitatis obnixæ flagitamus et beati Petri apostolorum principis auctoritate præcipimus ut rura quæ ab antecessoribus suis maximæ a Denewulfo ad animæ suæ periculum diuersis secularium personis acommodata fuerant dum oportunum fuerit statuto a prædecessoribus episcopis tempore sine ullo contrauersionis obstaculo in qualicumque sint prouincia uel episcopatu Uuentane cathedræ restituantur Si autem reditum accelerare uoluerit eorum in ipsius consistat arbitrio præcipue dum beatæ memoriæ Theodorus hoc olim interdixerat nefas ne scilicet episcoporum quispiam Christo collatam a catholicis possessionem pro quolibet munere temerarius dare uel accomodare præsumeret præsumentem equidem anathematis uinculo inretitum sinodali damnauit concilio et tam inlicitum ac inconueniens datum successores nullatenus stare permitterent iussit ne prauo antecessorum consilio successores ad hanc deducerentur inopiam ut Christi pauperibus quid erogarent non haberent c mansæ in Duntun et in Ebles burnan quas mihi præfatus acommodauit episcopus et lxx in Beaddingtune quas mihi Denewulf acommodauerat præsul si hoc illi placuerit ut his uita comite fruar post obitum meum Uuentane ecclesiæ libere restituantur Nostris salubribus optemperantes preceptis præsenti prosperitate et futura beatitudine iocundi perfruantur Si autem temerarius quispiam nefas superius interdictum ullo modo præsumerit anathema sit et auctoritate beati Petri apostolorum principis Paulique quorum sub almæ trinitatis possessio est quod a nobis modo renouatur damnatus intereat nisi cum eiulato magno quod contra nostrum decretum minuendo præsumens abstulit penitendo ante obitum suum satisfaciens restituerit Hæc cartula scripta est anno dominicæ incarnationis DCCCCVIIII indictione xii his limitibus hoc rus undique circumdatur et intra ambitum suum multas uillas complectitur quarum nomina incolis liquido clarescunt Hnut scillino tamen et Ceolbolding tun quia e due uillæ contiguæ non sunt c manentium quantitatem proficientes indumentis cleri deseruientes non his limitibus set propriis et ratis terminis ambiuntur + Ærest on icenan at brombrigce up andlang weges to hlidgeate þanon andlang slades to beanstede þæt be hagan to searnægles forda þæt up be swæðelinge to sugebroce ðæt forð be mearce to cules felda forð be gehrihtum gemære to stodleage swa to ticnes felda þæt to mearc dene swa to tæppe leage swa forð to scipleage þæt to bradan ersce swa to þære ealdan cwealmstowe þæt forð be deopan delle þæt be craweleainga mearce to bacegeate forð be mearce to ðæm ealdan falde swa norð and east to hearpaðe a be hearpaðe to heafod stoccum swa be hide burninga gemære on icenan þæt up be streame þæt swa wið easton wordige þonan be rihtre mearce to ðæm gemær ðornan þæt to ðære readan rode swa forð be ealdormonnes mearce a be mearce þæt hit cimð on icenan up be streame to alres forda þonon on ticceburnan up andlang burnan to hearpaðe swa to tyrngeate wiðinnan ða æfisc to sceap wican þæt be riht gemære to ellenforda swa to bradan dene þæt to meoluc cumbe swa to meolæn beorge andlang weges to wealthæminga mearce be rihton gemære to hige leage þæt to clænefelda swa on are dene forð be hagan on sceatte leage þæt forð on icenan be norðan stanforde swa mid streame ðæt hit cymð eft on brombricge Ego Eadweard rex hanc restaurationem a me renouatam signum sancte crucis propria manu scribendo firmaui Ego Plegmund archiepiscopus melli fluam donationem præfati regis subscripsi cum signaculo sancte crucis Ego Friðestan episcopus cum consilio eiusdem regis corroboraui atque conexi cum triumpho regis eterni Ego Wulfsige episcopus consensi et subscripsi Ego Wighelm episcopus consensi et subscripsi Ego Ceolmund episcopus consensi et subscripsi Ego Æðelweard frater regis Ego Æðelstan filius regis Ego Ælfweard filius regis Ego Ordlaf dux Ego Osferð dux Ego Beorhtulf dux Ego Ordgar dux Ego Heahferð dux Wærulf presbiter Æðelstan presbiter Beornstan presbiter Ealhstan presbiter Deormod minister Wihtbrord minister Odda minister Ælfwold minister Ælfred minister Aðulf minister Æþelferð minister Ælfric minister Wulfhelm minister Uffa minister Ælfstan minister Ælfred minister Ælfstan minister Ælfstan minister Wulfhere minister Aðulf minister Wulfhun minister Wullaf minister Ælred Æðelnoð Ælfric