Charter Document - 06510046

Summo atque eterno rege æternaliter regnante atque omnia visibilia et inuisibilia ordinabiliter atque incommutabiliter dispensante et gubernante intelligens omnia pene preterita dicta uel facta que in antecessorum nostrorum diebus euenerunt fusce obliuioni tradita nisi ea que discrete et sapienter litterarum apicibus commendata sunt coniciensque præsentia et futura eodem modo labi nisi præfato ordine litterarum caretteribus diligenter et studiose a presentium et futurorum temporum regibus et præsulibus insignita fuerint Quapropter ego Eadward diuina indulgente clementia Angul Saxonum rex rogatus fui a meo dilecto episcopo Friðestano territoria ecclesie dei cui deseruiebat pertinentia nouis litterarum apicibus renouare et ueterum librorum monimenta recenti recuperata auctoritate restaurare Idcirco uotis eius libenter obtemperans renouare studui territorium illius telluris que Alresford usitato dicitur uocabulo præfato episcopo cathedram beati Petri apostolorum principis Paulique eiusque coapostoli presidenti uti Cenwald atque Ine Egcbyrthque mei antecessores domino nostro Iesu Christo omnium rerum conditori eterna concesserant libertate Præfatum equidem rus pro stupro cuiusdam militis cui accommodatum fuerat ut censum singulis annis persolueret indictum a præfata ecclesia iniuste abstractum nuper fuerat sed Denewlf Uuentane ecclesie cathedram illo in tempore regens pateram centum auri siglis appendentem regi qui tunc temporis Angul Saxoniam regebat Licet non iuste tribuit et possessionem ad usus succedentium præsulum ecclesie Dei restituit Precauendo igitur ne tale periculum posteris futuro tempore miserabiliter eveniat Ego Eadwardus diuina largiente gratia Angul Saxonum rex et Plegmund Dorubernensis ecclesie archiepiscopus ceterique suffraganei quorum inferius uocabula notantur In nomine alme Trinitatis atque indiuidue unitatis precipimus tam Friðestano eiusdem Wentane sedis episcopo quam cunctis eius successoribus ut nulli secularium militum nec ipsum rus nec aliud aliquot ad ecclesiam Dei pertinens pro munere quolibet ne talis perturbatio ecclesie Dei contingat ut per stuprum prefati militis contigit dare uel accommodare præsumat Qui autem temerarius nefas interdictum præsumpserit anathema sit Et auctoritate beati Petri cuius possessio est dampnatus intereat nisi cum eiulato magno quod contra nostrum decretum abstulit penitendo ante obitum suum restituerit Hæc cartula scripta est Anno ab incarnatione domini DCCCCVIIII Indictione xii Maneat igitur gratis terminibus ueterum librorum manifestatione harum xl mansionum quantitas indissoluta his testibus infra notatis unanimi consentientibus iudicio Ego Eadward rex hanc restaurationem a me renouatam signum sancte crucis propria manu scribendo firmaui quando episcopium Uuentane ciuitatis in duas parochias diuisi Ego Plegmund archiepiscopus melli fluam donationem prefati regis subscripsi cum signaculo sancte crucis Ego Friðestan episcopus cum consilio eiusdem regis hoc roboraui atque conexi cum triumpho eterni regis Ego Wulfsige episcopus conexi et subscripsi Ego Wighelm episcopus conexi et subscripsi Ego Celmund episcopus conexi et subscripsi Ego Æðelweard frater regis Ego Æðelstan filius regis Ego Ælfweard filius regis Ego Osferð Dux consensi Ego Orlaf Dux consensi Ego Beorhtulf Dux consensi Ego Ordgar Dux consensi Ego Heahferð Dux consensi Ego Werulf presbyter Ego Æþelstan presbyter Ego Beornstan presbyter Ego Ealhstan presbyter Ego Deormod minister Ego Withbrord minister Ego Odda minister Ego Ælfwold minister Ego Ælfred minister Ego Aðulf minister Ego Æþelferð minister Ego Wulfheard minister Ego Ælfric minister Ego Wulfhelm minister Ego Uffa minister Ego Ælfstan minister Ego Ælfreð minister Ego Elfstan minister Ego Ælfstan minister Ego Wulfhere minister Ego Adulf minister Ego Wulfhun minister Ego Wullaf minister Ego Buga minister Ego Ælfred minister Ego Æðelnoð minister Ego Wulfric minister