Charter Document - 06510043
| Charter Number: | 06510043 |
|---|---|
| Cartulary Title: | Charters of the Old Minster, Winchester |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 0904 |
| Date type: | Internal, A.D. |
| Resource Link(s): |
eSawyer (S 372) |
Charter:
Post discessum primi parentis de paradiso unde humana fragilitas indesinenter iacet pressa honere terrene fragilitatis et grauedine mortalitatis unde adhuc cernimus cotidie fugitiue uite tempora prosperis et aduersis causis consistere rapidissimoque cursu annorum spatia et regnorum ubique gaudia finita nullo credenti ignotum esse autumo Ideoque plurimorum definitum est consilio apicum signis confirmanda adque roboranda que incerta in futuro arbitrantur et maxime omni hora oportet eorum exemplis esse instructos qui quidem istis caducis temporalibusque diuitiis eterna beatitudinis premia adquirere posse indubitanter promiserunt Quapropter ego Eadwardus gratia Dei occidentalium Saxonum rex cum consensu omnium optimatum nostrorum necnon et nostre proprie uoluntati curauimus litteris commendare ne futura posteritas ignauia torpescens obliuiscens ea que nunc moderni memorie student commendare Conuenit namque nobis uidelicet me cum meis fidelibus ut mutuaremus aliquam terre partem conuenerabili Denewulfo Wintonie ciuitatis episcopo necnon et illa uenerabilis familia sub eius dominio degentibus dedi et tradidi ei aliquam partem terre iuris mei in loco qui uocatur publico nomine Waltham ut habeat teneat atque possideat cum campis siluis pratis et pascuis et omnibus ad se pertinentibus et idcirco ut nostra facta firmi[u]s permaneant etiam sapientes regni mei testes adhibui quorum nomina infra continentur sunt autem manentes illius terre duo minus quam quadraginta Concessit et tradidit michi ille uenerabilis episcopus ex sua propria iure aliquam partem terre in loco quo Porceastra uocatur ut habeam teneam atque possideam et cuicumque heredi post me uolo dimittam cum campis siluis pratis et pascuis et omnibus ad se pertinentibus sunt autem illius manentes xl cassati et ut nostra mutuatio in utraque parte firma et stabilis permaneat uolo ut illa terra quam uenerabili episcopo necnon et illi familiæ tradidi semper obediat atque deseruiat ad illam pontificalem sedem Wintonie ciuitatis hanc autem donationem et commutationem in utramque partem ut stabilis et fixa permaneat absque ulla contradictione et retractione signo et confirmo caractere sancte crucis Si quis autem hanc nostram donationem adaugere uoluerit ad augeat ei Deus omnia bona præsentis et future uite Si quis uero quod absit tyrannica fretus superbia nostram donationem siue commutationem infringere uel contra ire uoluerit sit anathema a sancta ecclesia si non prius emendauerit digna satisfactione Hæc autem cartula scripta est Anno incarnationis dominice DCCCCIIII Indictione septime in uilla uenatoria que saxonica dicitur Bicanleag quorum idoneis testibus quorum nomina subsequenter scripta sunt Ego Eadwardus Rex Ego Plegmund archiepiscopus Ego Denewulf episcopus Ego Asser episcopus Ego Wulfsige episcopus Ego Æþelweard filius regis Ego Ordlaf Dux Ego Osulf Dux Ego Ordgar Dux Ego Ælfwald Dux Ego Heahferd Dux Ego Johan presbyter Ego Werulf presbyter Ego Tata presbyter Ego Æþelstan presbyter Ego Beornstan presbyter Ego Sedru presbyter Ego Walda presbyter Ego Friðestan Diaconus Ego Wighelm Diaconus Ego Withbord minister Ego Deormod minister Ego Beorhthelm minister Ego Odda minister Ego Wlfred minister Ego Buga minister Ego Ealhmund minister Ego Wlfstan minister Ego Æþelferd minister Ego Wulfhelm minister Ego Wulfhun minister Ego Wlfhere minister Ego Wlfric minister