Charter Document - 06510030
| Charter Number: | 06510030 |
|---|---|
| Cartulary Title: | Charters of the Old Minster, Winchester |
| Charter Language: | Latin, English |
| Charter Origin: | Religious |
| Charter Type(s): | Lease |
| Date: | 0871 - 0877 |
| Date type: | Assigned |
| Resource Link(s): |
eSawyer (S 1275) |
Charter:
In nomine domini Ealhferð Bisceop and ða higan on Wintaceastre habbað gelæneð hiora leofan friond viii hida landes on Eastune ðriora manna deg ðet is Cuðred dux and Wulfriðe his wife and anan man þerto suil him liofost sio him to hæbbenne and to brucenne swa him sælest sie eghwælces þinges freoh butan brycgeweorce and ferde and eahta ciricsceattan and mæsseprestes gereohta and saulsceattas and hi bebiodað on ælmeahtiges naman and on sanctes Petres ðes apostoles naman and on ealra Godes halgona naman ðæt ðæt land sie laborðe and higan swa gewelde ofer hiora ðriora deg swa hid wæs ðy dege ðe hioe hit hiom sealdan and Ðis is gedon be þara weotena gewitnesse ðe heora naman her beneoðan awritene standað and mid Cristes rodes getacne gemearcode Ego Ælfred Rex Ego Ælferð epc Ego Ædelheah epc Ego Wulfhere Dux Ego Æðelstan Dux Ego Eadwulf Dux Ego Ordulf Dux Ego Elfstan Dux Ego Cuðred Dux Ego Tunberð abb Ego Ælfreð pb Ego Hunsige pb Ego Cynestan pb Ego Biornlaf pb Ego Henulf Diac Ego Ælfstan Diac Ego Aðeuulf Diac Ego Milred min Ego Beorhtnoð min Ego Æðelnoð min Ego Dudig min Ego Heremod min Ego Æðelferð min Ego Ælfhere min Ego Wigred min Ðes londes gemero at Eastune lið of ycenan in earna bæce æf swa andlang bæces utt on ðæt geat æft be þan andheafdan od þone midlestan beorg æft swa on ædeswyrðe eastewearde æft utt on þa roda on heringesleah easteweardne æft utt on þa furh on smalan dune eastewearde æft utt on þa furh ðe Wulfred het adrifan æft of dune on ða dene swa on ðone mylensteall at swe of ðem mylenstealle andlang ycenan æft on earna bæce