Charter Document - 06510027
| Charter Number: | 06510027 |
|---|---|
| Cartulary Title: | Charters of the Old Minster, Winchester |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 0856 |
| Date type: | Assigned |
| Resource Link(s): |
eSawyer (S 1274) |
Charter:
Regnante inperpetuum domino nostro Jhesu Christo summo et ineffabili rerum creatori ac moderatori omnium tempora qui sua multimoda disponens potentia temporibus ut voluerit finem imponet Iccirco cunctis agendum est ut hic bonis actibus future beatitudinis felicitatem adipisci mereantur Quapropter ego Swithun divina providente gratia Wentane ecclesie episcopus cum consensu et licentia ejusdem ecclesie congregationis hoc est presbiteris diaconibus et omni clero consentientibus dedi atque concessi dilectissimo domino meo et reverentissimo occidentalium Saxonum regi Æðelbaldo terram lx cassatorum in loco qui dicitur Fearham ita ut habeat atque possideat præfatam terram quam diu in hac vita præsente vixerit sine ulla nostrorum successorum contradictione vel contentione cum omnibus ad se pertinentibus hoc est campis silvis pascuis pratis piscariis atque omnia in omnibus ad eandem terram pertinentibus