Charter Document - 06510024
| Charter Number: | 06510024 |
|---|---|
| Cartulary Title: | Charters of the Old Minster, Winchester |
| Charter Language: | Latin, English |
| Charter Origin: | Royal |
| Charter Type(s): | Grant |
| Date: | 0854 |
| Date type: | Internal, A.D. |
| Resource Link(s): |
eSawyer (S 313) |
Charter:
In nomine domini et saluatoris nostri Ihesu Christi Þis gewrit cyð ðæt Æþeluulf cyning geuðe Gode and Sancte Petre and þæm hiwum on Wintacestre on ealdan mynstre twentigra hida landes at Wænbeorgon ða ða he teoðode gynd eall his cynerice ðone teoðan dæl ealra his landa m[id] his witena geþehte into halgun stowun Gode to lofe and his sawle to ecre al[y]s[e]d[nesse] and he bead on Godes ælmihtiges naman and on ealra his haligra ðæt na[n cyn]ing ofer his timan ne nan oðer man þis næfre ne awende ac ðæt seo ar æ[fre] unbefliten hyrde into þære halgan stowe and gif hit hwa awende þæt he wære on Godes awyrgednesse and sancte Petres ge on life ge æfter life butan he hit gebette and þis wæs gedon ðæs geres ðe wæron agane ehta hund gera and feower and fifti [g]eara æfter Cristes acynnednesse on þara witena gewitnesse þara naman her beneoðan awritene standað Æðeluulf rex Alhstan episcopus Suiðhun episcopus Æþelbald dux Eanuulf dux Æþelberht dux + Osric dux + Wulfhere dux + Lullede dux + Uullaf abbas + Uuærferð abbas + Æðered filius regis + Ælfred filius regis + Esne minister + Cyneuulf minister + Cyneheah minister + Alhstan minister + Ealdred minister