Charter Document - 06510013
| Charter Number: | 06510013 |
|---|---|
| Cartulary Title: | Charters of the Old Minster, Winchester |
| Charter Language: | Latin, English |
| Charter Origin: | Royal |
| Charter Type(s): | Grant |
| Date: | 0826 |
| Date type: | Internal, A.D. |
| Resource Link(s): |
eSawyer (S 274) |
Charter:
In nomine omnipotentis Jhesu Christi domini nostri cum patre et spiritu sancto regnantis in secula seculorum Ego Ecgbyrth rex pro ejus amore qui elemosinas facientibus et ecclesias diligentibus centuplum et vitam promittit æternam in celo ad remedium animæ meæ et omnium regum christianorum gentis Anglorum qui ante me fuerunt vel qui post me futuri sunt et pro omni populo in regno nostro constituto xxx mansarum portionem quæ in Vecta insula habentur eo scilicet loco qui Cawelburne dicitur Deo et sanctis apostolis suis Petro et Paulo ad sedem episcopalem Wentanæ ecclesie in perpetuam hereditatem libentissimo dono Obsecro igitur per terribile nomen Christi et majestatem sanctæ Trinitatis et adventum magni judicii ut nullus regum aut principum ullis temporibus hoc meum donum a supradicta sancta Wentana ecclesia auferat aut diminuat Et si quis fecerit dampnatus et maledictus et in profundum inferni cum sathana et angelis ejus maneat in sæcula sæculorum dimersus nisi pro iniquitate sua penitentiam fecerit Volo etiam ut hæc terra libera semper sit cum locis montanis ac silvis pratis et pascuis et campis atque cum omnibus ad se pertinentibus rebus nullique serviat nisi soli episcopo Wentano Si quis autem regum seu principum hanc donationem custodierit et multiplicaverit multiplicet Deus dies suos et det ei vitam æternam in regno celorum Isti sunt telluris præfatæ termini Ðis synt þara xxx hida land gemæro to Cawelburnan on Wiht Ærest of sæ up on æscstede þanon on þæne gemot beorh of þam beorge on swines heafod þanon on suð sæ on Eadgylses muþan and lang Eadgylses muþan on bican dæne þanon on Cawelburnan and lang Cawelburnan utt on norð sæ Scripta est autem hæc cartula Anno dominicæ incarnationis DCCCXXVI Indictione iiii Anno decimo regni sui his testibus consentientibus quorum nomina infra scripta esse videntur Ego Ecgbyrt rex libertatem predictæ terræ signo sanctæ crucis Christi ad laudem apostolorum Petri et Pauli confirmavi Signum manus Wigþegni episcopi Signum manus Hereferd episcopi Signum manus Burhardi ducis Signum manus Wlfhardi ducis Signum manus Alhstan ducis Signum manus Monnedes præfecti Signum manus Hunes præfecti Signum manus Wehhelmes præfecti