Charter Document - 06510008
| Charter Number: | 06510008 |
|---|---|
| Cartulary Title: | Charters of the Old Minster, Winchester |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 0801 - 0814 |
| Date type: | Assigned |
| Resource Link(s): |
eSawyer (S 1263) |
Charter:
Piissimo Deo inperpetuum cuncta gubernante ipso suffragante Ego Alhmundus episcopus Wentanæ civitatis Wintoniæ ecclesie sancti Petri pro multimoda utilitate et necessitate cum consensu et consilio presbyterorum ac cæterorum Dei famulorum terram lx cassatorum ubi nuncupatur Fernham Byrhtelmo in propriam dedi potestatem in vicissitudinem alterius agelluli in quaternis derivatum locis id est Wdutun Mildanhald Forscanfeld Bedewinde cujus calculanti xxxiii manentes De illis vero lx cassatis xxiiii supersunt uni cuique anno de illa partum ac refectionem duorum noctium episcopo Wentanæ civitatis ille heredesque ejus in Ferhnam dent ac preparent necnon et x anforas de melle omni similiter anno sine aliqua utrumque controversione resolvant Possessio vero amborum seu lx cassatorum illi heredibusque suis juxta enucleatam dicionem inperpetuum sive xxxiii nobis subjugantur Si vero voluntarie vel necessarie pertingat ut aliquis ex heredibus ejus aut ipse Ferhnham vendere mavellet tunc primum nostræ ecclesie domino innotescatur et ab eo lx manentes digno pretio placabili solvantur cæteri xx Insoluti sine pretio reddantur