Charter Document - 06508209

Universis Christi fidelibus ad quos presens scriptum pervenerit Henricus filius Roberti de la Holte in Redburne salutem Noverit universitas vestra me de consensu et voluntate Reginaldi filii Henrici de Trumpetone dimisisse et ad firmam concessisse domino Johanni abbati de Sancto Albano et ejusdem loci monachis et successoribus suis unum mesuagium cum pertinentiis suis in villa Sancti Albani in vico de Daginhale situm juxta mesuagium Petri Bacun versus occidentem illud videlicet in quo manere solet Willelmus Osmu[n]d cum duabus seylonibus terre arabilis et quicquid juris habui vel habere potui ex donatione dimissione et concessione dicti Reginaldi in villa Sancti Albani et extra habendum et tenendum de me et heredibus meis sibi et successoribus suis a festo Sancti Michaelis anno Domini MCC quinquagesimo tertio usque ad finem xii annorum plene completurum salvis capitalibus dominis feodi reditibus debitis et servitiis debitis et consuetis Et ego predictus Henricus et heredes [mei] warentizabimus acquietabimus et defendemus dictis abbati et monachis et successoribus suis omnia supradicta sicut pretaxatum est per terminum xii annorum predictorum contra omnes homines Judeos seu Christianos In cujus rei testimonium presenti scripto signum meum una cum signo dicti Reginaldi est appensum His testibus domino Nicholao Berat Henrico Kingessone Gaufrido le fenur Milone cutiler civibus Lundoniensibus Johanne de Marius tunc senescallo de Sancto Albano Johanne de Seldford milite Waltero de Wauci milite Rogero de Bachewrthe milite Johanne Astmar tunc pneposito de Sancto Albano Johanne lanario Willelmo le Norays Willelmo Cusin Johanne fratre ejus et multis aliis