Charter Document - 06507210
| Charter Number: | 06507210 |
|---|---|
| Cartulary Title: | Matthei Parisiensis Chronica Major, Additamenta |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1259 |
| Date type: | Assigned |
| Resource Link(s): |
British Library - Cotton MS Nero D I (f144r) |
Charter:
Sciant presentes et futuri quod ego Adam filius Walteri persone de Aiete dedi et concessi et hac presenti carta mea confirmavi Samsoni de Tebrige filio Laurencii de Tebrige vel cuicunque assignare voluerit pro homagio et servitio suo dimidiam virgatam terre in Tebrige illam videlicet dimidiam virgatam terre que jacet inter terram predicti Samsonis et terram Roberti de Tebrige sub parco de Aiete versus le su tenendam de me et heredibus meis sibi et heredibus suis vel cui eam assignare voluerit libere quiete hereditarie reddendo inde annuatim mihi et heredibus meis duos solidos ad duos terminos anni scilicet ad Pascha duodecim denarios et ad festum Sancti Michaelis duodecim denarios et per attornationem meam Symoni de Brambelhangre unam libram cimini ad Natale Domini et Roberto de Tebrige per attornationem meam tres solidos ad quatuor terminos anni scilicet ad Natale Domini novem denarios et ad Pascha totidem ad festum Sancti Johannis Baptiste novem denarios et ad festum Sancti Michaelis totidem et duos vomeres unum ad Pascha et ad festum Sancti Michaelis unum et quatuor homines in autumno ad magnas precarias Roberti de Tebrige ad prandium ipsius Roberti pro omnibus servitiis consuetudinibus et exactionibus salvo servitio domini regis quantum pertinet ad tantum tenementum Sciendum est etiam quod cuicunque voluerit poterit predictam terram preterquam domui religionis assignare Et ego Adam et heredes mei warantizabimus predicto Symoni et cui jam dictam sicut predictum est terram assignare voluerit et defendemus per predictum servitium contra omnes homines et feminas Pro hac autem donatione et concessione et confirmatione dedit mihi predictus Samson duas marcas argenti in gersumam His testibus Willelmo de Aiete Johanne filio Gaufridi Waltero de Gyney Willelmo de Sisseverne Willelmo de Huseburne Roberto de Tebrige Roberto filio Ambrosii Jordano Lenveyse Willelmo de Watersipe et Johanne filio suo et multis aliis
Source (click image below to view full size)
