Charter Document - 06506210

Sciant presentes et futuri quod ego Michael filius Henrici Pekenay dedi et concessi et presenti carta mea confirmavi Henrico de Trumppetone totam terram meam cum suis pertinentiis que jacet inter terram que fuit Alexandri Tumberel et terram que fuit Johannis Passevant in villa Sancti Albani in vico de Dagenhale et extendit in longitudine a regio vico usque ad terram que fuit Rogeri Costarde in eadem villa habendam et tenendam sibi et heredibus suis de me et heredibus meis hereditarie libere et quiete reddendo inde annuatim mihi et heredibus meis duos denarios ad duos anni terminos scilicet ad Natale Domini unum denarium et ad Nativitatem Sancti Johannis Baptiste unum denarium et coquine monachorum Sancti Albani per meam attornationem quinque solidos ad quatuor anni terminos scilicet ad Natale Domini ad Pascha ad Nativitatem Sancti Johannis Baptiste ad festum Sancti Michaelis ad quemlibet terminum quindecim denarios pro omnibus servitiis consuetudinibus exactionibus et demandis ad me vel heredes meos pertinentibus Et ego Michael et heredes mei warantizabimus totam predictam terram cum suis pertinentiis predicto Henrico et heredibus suis contra omnes homines et feminas inperpetuum per predictum servitium Pro hac autem donatione et concessione et presentis carte mere confirmatione et warantizatione mei et heredum meorum sibi et heredibus suis dedit mihi predictus Henricus triginta solidos sterlingorum in gersumam His testibus Ada de Belvere et Bartholomeo clerico tunc prepositis Johanne filio Radulphi Andrea filio Nicholai Alexandro le Gigur Johanne ferrario Thoma ferrario Hugone le fuher Waltero Beifus Symone filio Alfwyni Roberto le mazun Johanne de Cudicote clerico et multis aliis