Charter Document - 06505210
| Charter Number: | 06505210 |
|---|---|
| Cartulary Title: | Matthei Parisiensis Chronica Major, Additamenta |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1259 |
| Date type: | Assigned |
| Resource Link(s): |
|
Charter:
Sciant presentes et futuri quod ego Beatrix relicta Roberti Russel dedi concessi et presenti carta mea confirmavi Henrico de Trumpetone totam illam partem terre cum suis pertinentiis in villa Sancti Albani in vico de Dagenhale que jacet inter terram quam dictus Henricus tenet de Michaele Pekenay et terram magistri Stephani de Eclefelde habendam et tenendam de me et heredibus meis sibi et heredibus suis vel cuicunque assignare voluerit hereditarie libere et quiete reddendo inde annuatim domino abbati Sancti Albani per meam attornationem sex denarios ad quatuor terminos ad Natale Domini ad Pascha ad Nativitatem Sancti Johannis Baptiste ad festum Sancti Michaelis ad quemlibet terminum tres obolos et mihi et heredibus meis unum denarium semel in anno scilicet ad Pascha pro omnibus servitiis consuetudinibus exactionibus et querelis ad me vel heredes meos pertinentibus et ego predicta Beatrix et heredes mei warantizabimus prefatam partem terre cum suis pertinentiis prenominato Henrico et heredibus suis vel suis assignatis contra omnes homines et feminas inperpetuum per predictum servitium Pro hac autem donatione concessione et hujus carte mere confirmatione et warantizatione mei et heredum meorum sibi et heredibus suis vel cuicunque assignaverit dedit mihi sepe dictus Henricus triginta solidos sterlingorum in gersumam His testibus Ada de Beauver tunc preposito Bartholomeo clerico Andrea filio Nicholai Johanne de Kingesbire Alexandro le Gigur Thoma filio ejus Thoma ferrario Symone filio Ailwini Galfrido Trot Willelmo bastard Galfrido ostiario Roberto cementario Roberto auri fabro et multis aliis
Source (click image below to view full size)
