Charter Document - 06505209

Sciant presentes et futuri quod ego Reginaldus filius Henrici de Trumpetone dedi concessi et hac presenti carta mea confirmavi Henrico filio Roberti del Holtte de Redburne tres solidos annui redditus cum omnibus pertinentiis suis in villa Sancti Albani in vico Fullonum videlicet xii denarios de Johanne filio Ranulfi sive de heredibus suis ad quatuor terminos anni percipiendos scilicet ad Natale Domini ad Pasca ad Nativitatem Sancti Johannis Baptiste et ad festum Sancti Michaelis ad quemlibet terminum tres denarios et simili modo de Roberto Herbert et de heredibus suis annuatim duodecim denarios ad supradictos terminos anni ad quemlibet terminum tres denarios et de Gaufrido filio Godefridi Duraunt et heredibus suis annuatim duodecim denarios ad supradictos terminos anni ad quemlibet terminum tres denarios habendos et tenendos de me et heredibus meis sibi et heredibus suis vel suis assignatis hereditarie libere et quiete bene et in pace finaliter reddendo annuatim mihi et heredibus meis vel assignatis unum par albarum chirothecarum pretii unius oboli vel unum obolum scilicet ad Pasca pro omnibus servitiis consuetudinibus exactionibus et querelis sectis et de mandis ad me vel ad heredes meos pertinentibus Et ego predictus Reginaldus et heredes mei warentizabimus aquietabimus et defendemus predictum annualem redditum cum suis pertinentiis predicto Henrico et heredibus suis vel suis assignatis contra omnes homines et feminas in perpetuum Pro hac autem donatione concessione et carte mee confirmatione dedit mihi predictus Henricus xl solidos sterlingorum per manibus in gersumam His testibus Johanne Astmar tunc preposito Johanne lanario Willelmo Norais Alexandro cissore Thoma ferario Waltero ferario Roberto falconario Willelmo bastard Alexandro Goldston Ada Bismare Johanne Scerewind et multis aliis