Charter Document - 06504210
| Charter Number: | 06504210 |
|---|---|
| Cartulary Title: | Cartulary of St. Albans |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1259 |
| Date type: | Assigned |
| Resource Link(s): |
British Library - Cotton MS Nero D I (f143v) |
Charter:
Sciant presentes et futuri quod ego Reginaldus Meggreus relaxavi et pro me et heredibus meis inperpetuum quiete clamavi Henrico de Trumpetone et heredibus suis totum jus et clamium quod habui vel habere potui in illud mesuagium cum pertinentiis in villa Sancti Albani in vico de Dagenhale quod aliquando tenui de dono Johannis Passevaunt quod videlicet mesuagium jacet inter mesuagium magistri Stephani de Ecclefelde et terram ipsius Henrici habendum et tenendum dicto Henrico et heredibus suis jure hereditario libere et quiete bene et in pace finaliter ita quod nec ego Reginaldus nec aliquis heredum meorum aliquid juris exinde de cetero poterimus exigere vel clamare Pro hac autem relaxatione et mea quieta clamatione dedit mihi dictus Henricus unam marcam argenti Et ut hec relaxatio et mea quieta clamatio perpetua gaudeant firmitate presens scriptum sigilli mei impressione confirmavi His testibus Adamo de Beauver tunc preposito Johanne de Kingesbire Alexandro le Gigur Thoma filio ejus Thoma ferrario Johanne filio Johannis Galfrido filio Baldewini Andrea et Ricardo fratribus suis Johanne filio Ricardi Galfrido Trot Roberto cementario Ricardo filio Stephani Omero et multis aliis
Source (click image below to view full size)
