Charter Document - 06502075

Innocentius episcopus servus servorum Dei venerabili in Christo patri archiepiscopo Cantuarensi salutem et Apostolicam benedictionem Etsi ad provisionem cunctorum qui gratiam nostre provisionis exposcunt intendere teneamur circa illos tamen curam nos decet impendere specialem qui nobilibus orti natalibus per se ac suos obsequiose devotionis studiis Apostolice gratie se coaptant Attendentes igitur sincere devotionis affectum quam dilectus filius nobilis vir Johannes comes Burgundie et dominus Salennensis ad nos et Romanam ecclesiam habere dinoscitur ac per hoc sincere dilectionis affectum quem ad eum gerimus ad suos etiam extendere cupientes simulque sperantes te in his que ipsius utilitatem respiciunt utpote tibi consanguinitate conjuncti nequaquam difficilem invenire fraternitati tue Apostolica scripta mandamus quatinus dilecto filio Roberto clerico nato ejus in provincia tua in ecclesiastico beneficio uno vel pluribus cum cura vel sine cura usque ad trecentas marcas argenti ad cujus cumque collationem pertineant per te vel per alios auctoritate nostra provideas vel facias provideri non obstante quod eidem clericus alias beneficiatus existit seu si in loco in quo eidem duximus providendum sit statutum de certo canonicorum numero juramento seu alia firmitate roboratum vel si direximus scripta nostra pro aliis quibus auctoritate presentium nolumus prejudicium generari aut reservatione aliqua seu inhibitione generaliter per literas nostras seu earum auctoritate vel indulgentia si qua est aliquibus ecclesiarum prelatis et capitulis ab Apostolica sede concessa quod ad receptionem seu provisionem alicujus compelli sive interdici suspendi et excommunicari non possint per literas Apostolicas non facientes plenam et expressam de ipsa indulgentia mentionem sive qualibet alia per quam posset retardari effectus nostre gratie vel etiam impediri et de qua in nostris literis specialem oporteat fieri mentionem seu constitutione de duabus dictis edita in concilio generali contradictores per censuram ecclesiasticam appellatione postposita compescendo Nos igitur decrevimus irritum et inane si quid contra mandati nostri tenorem fuerit attemptatum Datum [] [Lugduni kal Junii anno quinto]