Charter Document - 06501211
| Charter Number: | 06501211 |
|---|---|
| Cartulary Title: | Cartulary of St. Albans |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1259 |
| Date type: | Assigned |
| Resource Link(s): |
British Library - Cotton MS Nero D I (f144v) |
Charter:
Sciant presentes et futuri quod ego Ricardus de Watham cirotecarius et Margeria filia Stephani Crasenloyl uxor mea dedimus concessimus et hac presenti carta nostra confirmavimus Ade de Wathele totum mesuagium nostrum in villa Sancti Albani in vico qui vocatur Fuller strate situm cum omnibus suis pertinentiis et quicquid ibidem tenuimus habuimus vel habere potuimus ut in domibus re edificiis gardinis haiis fossatis vivariis viis semitis terris reditibus pratis pascuis pasturis escetis et omnibus aliis ibidem et etiam et alibi in villa Sancti Albani vel extra ad nos quoquomodo pertinentibus sive sint mesuagia sive redditus sive prata sive terre ad firmam dimisse vel aliter a nobis quocunque titulo alienate et specialiter omne jus et clamium quod habemus vel habere possumus in mesuagiis et tenementis que Letitia de Kingisberi tenet in villa Sancti Albani dicto Ade et heredibus suis vel suis assignatis quibuscunque dare vendere vel assignare voluerit habenda et tenenda libere quiete bene et in pace sine aliquo retine mento quod ad nos vel heredes nostros qualitercunque evenire possit vel escaire excepto uno clavo gariofiri annui redditus nobis et heredibus nostris semel in anno scilicet ad Pascha solvendo et salvis servitiis et consuetudinibus dominis feodorum et tenementis eorundem debitis et consuetis salvis etiam reditibus datis et concessis per dictum Stephanmn Crasenloyl ecclesie Sancti Albani et specialiter assignatis ad luminaria altaris Beate Marie Virginis ubi per singulos dies Missa pro ecclesia celebratur Illam vero donationem et concessionem ratam habemus et firmam et eandem per presentem cartam nostram confirmamus Et si qui sunt defectu in predictis donatione et concessione presenti tenore supplemus Et ego predictus Ricardus et Margeria uxor mea predicta et heredes nostri nihilominus warantizabimus acquietabimus et defendemus omnia et singula predicta in hoc instrumento contenta dicto Ade et heredibus suis vel suis assignatis contra omnes homines Judeos seu Christianos inperpetuum Pro hac autem donatione concessione et carte nostre confirmatione dedit nobis dictus Adam in gersumam triginta marcas sterlingorum Et [ut] hec nostra donatio concessio et presentis carte confirmatio perpetue firmitatis robur optineat presens scriptum sigillorum nostrorum impositione roboravimus His testibus []
Source (click image below to view full size)
