Charter Document - 06501209
| Charter Number: | 06501209 |
|---|---|
| Cartulary Title: | Cartulary of St. Albans |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1259 |
| Date type: | Assigned |
| Resource Link(s): |
British Library - Cotton MS Nero D I (f141r) |
Charter:
Sciant presentes et futuri quod ego Johannes Passavant dedi et concessi et hac presenti carta mea confirmavi Reginaldo Carnifici et heredibus suis unum mesuagium cum pertinentiis in vico de Dagenhal scilicet illud mesuagium quod est inter terram Hugonis Ruffi et inter terram predicti Johannis Passavant tenendum et habendum de me et heredibus meis sibi et heredibus suis finaliter libere et quiete reddendo inde annuatim mihi et heredibus meis quatuor solidos scilicet ad Natale Domini xii denarios ad Pasca xii denarios ad Nativitatem Sancti Johannis Baptiste xii denarios ad festum Sancti Michaelis xii denarios pro omni servitio et consuetudine et exactione Et ego Johannes Passavant et heredes mei inveniemus predicto Reginaldo et heredibus suis viam super terram nostram ad ducendum sex feyns usque ad terram suam Pro hac autem donatione et concessione et carte mee confirmatione predictus Reginaldus dedit mihi sex solidos in gersumam et ego Johannes Passavant et heredes mei warentizabimus predicto Reginaldo et heredibus suis predictum tenementum cum pertinentiis contra omnes homines et omnes feminas His testibus Gaufrido Roy Roberto aurifabro Daniele filio Acur Sansone de Solio Hugone Ruffo Alexandro Tumberel Johanne Buckisfot Roberto le machum Bartholomeo fabro et aliis
Source (click image below to view full size)
