Charter Document - 06501184
| Charter Number: | 06501184 |
|---|---|
| Cartulary Title: | Matthei Parisiensis Chronica Major, Additamenta |
| Charter Language: | Latin |
| Charter Origin: | Religious |
| Charter Type(s): | Letter |
| Date: | 1257 |
| Date type: | Internal, A.D., Calendar |
| Resource Link(s): |
Reference Document for this Embedded Document |
Charter:
Magister Rustandus domini Pape subdiaconus et capellanus negotii crucis executor a sede Apostolica deputatus uni versis collectoribus decime in Anglia constitutis salutem in Domino Cum religiosi viri abbas et conventus de Sancto Albano Lincolniensis dioecesis Mainetto Spine et sociis suis civibus et mercatoribus Florentie satisfecerint juxta ordinationem nostram de quingentis marcis sterlingorum pro obligatione in qua sibi fuerunt per venerabilem patrem episcopum Herefordensem in Romana curia obligati ac pro obligatione hujus[modi] suorum proventuum tam spiritualium quam temporalium decima debeat eis compensari auctoritate predicta vobis inhibemus ne ab eisdem abbate et conventu vel prioribus cellarum ratione monasterii vel cellarum suarum que mercatoribus per dictum episcopum non fuerunt obligate ubicumque fuerint in locis vobis commissis predictam decimam exigatis vel exigi permittatis ab aliquibus nisi forsan ipsa decima spiritualium et temporalium plus ascendat taxatione diligenti prius prehabita quam summa in qua satisfecerunt mercatoribus antedictis Datum Londoniis octavo idus Maii anno Domini MCCLVII
Source (click image below to view full size)
